عدن امنیتی اداره سی نینگ مطبوعات دفتری چهارشنبه کونی ایرته لب، حوثی لر تامانیدن آتیلگن ایکی موشک نینگ یمن ده گی عدن خلق ارا هوا قۉنلغه سی نی نشانگه آلگنینی معلوم قیلدی. اوشبو گزارشگه اساساً، احتمالی جان تلفاتی حقیده خبر ترقه تیلمه گن.
رویترز خبر آژانسی نینگ گزارش بیریشیچه، عدن خلق ارا هوا قۉنلغه سی، یمن نینگ حوثی لر کنترولیدن تشقریده گی قسم لری اوچون خلق ارا ارتباط لرنینگ اساسی دروازه سی حسابلنه دی.
عدن، یمن نینگ قانونی و خلق ارا مقیاسده تن آلینگن حکومتی نینگ موقتی پایتختی صفتیده فعالیت قیله دی. بو شهر آلدین هم بیر نیچه مرته حوثی لرنینگ هجوم لریگه دوچ کیلگن.
رسمی اعلان دن آلدین، العربیه خبر شبکه‌سی عدن ده پارتلش آواز لری اېشیتیلگنیگه اشاره قیلیب، ایلکینچی گزارش لرنینگ حوثی لر تامانیدن ایکی موشک بیلن عدن خلق ارا هوا قۉنلغه سی نشانگه آلینگنیدن حکایت قیلیشینی خبر بېرگن اېدی.
الحدث خبر شبکه‌سی هم مشابه بیر گزارشده، تهران تامانیدن حمایت قیلینه دیگن حوثی لرنینگ عدن خلق ارا هوا قۉنلغه سی نینگ اوچیش-قۉنیش یۉله گینی نشانگه آلگنینی یازگن اېدی. بو هجوم بشردوستانه عملیاتلر و تینچ اهالی نینگ سفریگه سلبی تأثیر قیلیشی ممکن.
منبع: رویترز، العربیه، الحدث
🌐
