کابل ده گی محلی منبع لرنینگ ایتیشیچه، طالبان امید سبز شهرچه سی نینگ اعتراضچی اهالی سی نی تهدید قیلیب، اولرگه تظاهرات اوتکزگن صورتده، بو گروه نینگ کوچلری اولرگه «مستقیم اوق آچیشگه رخصت»لری بارلیگینی آگاهلنتیرگن.
بو تهدیدلر، منبع لرنینگ ایتیشیچه، طالبان اعضالری نینگ سه شنبه کونی، ۱۴ میزان ده، اوشبو شهرچه اهالیسی نینگ بیش نماینده سی نی بو گروه نینگ قرارلریگه اعتراض قیلگنلیکلری اوچون قولگه آلگن بیر پیتده یوز بېرگن.
منبع لر، طالبان نینگ بو نماینده لرنی «بغاوت» و اۉز قرارلریگه قرشی چیقیشده عیبله‌گنینی ایتدیلر. بو قولگه آلیشلر، بیر قطار اهالی نینگ طالبان عدلیه وزیرلیگی تامانیدن کرایه تعیین قیلینیشیگه اعتراض اوله راق، شهرچه نینگ جمنازیومیده ییغیلگنیدن سۉنگ یوز بېرگن.
اهالی نینگ ایتیشیچه، طالبان اولردن اۉز اویلریده یشش اوچون کرایه تولشنی سۉره‌گن و هر بیر اتاق اوچون ۴ مینگ افغانی تعیین قیلگن.
بو جنجال، طالبان نینگ غصب قیلینگن ییرلرنی قیتیب آلیش بوییچه اختصاصی محکمه سی نینگ ثور آییده امید سبز شهرچه سی نینگ ۱۵۰۰ جریبدن آرتیق ییرینی «امارتی» دیب اعلان قیلگنیدن و عدلیه وزیرلیگی نینگ اهالی گه ۱۵ اسدگچه بۉشه تیش اوچون مهلت بېرگنیدن سۉنگ باشلنگن.
اعتراضچی اهالی طالبان نینگ قرارینی ناعادلانه دیب بیلیب، کرایه تعیین قیلینیشی نینگ حقوقی اساسی مشخص قیلینیشینی طلب قیلماقده لر.
منبع: افغانستان اینترنشنل
🌐
