افغانستان نینگ جنوب غرب ولایتلریدن بۉلگن طالبان حکومتی نینگ یوکسک مرتبه لی رسميلری سه‌شنبه کونی قندهارده بیر امنیتی ییغیلیش اۉتکزدیلر. طالبان نینگ قندهارده‌گی والی دفتری چهارشنبه کونی، ۱۵ میزان ده، بو ییغیلیش نینگ قندهار والیسی ملا شیرین ریاستیده اۉتکزیلگنینی اعلان قیلدی.
بو ییغیلیشده قندهار، هلمند، زابل، اروزگان و دایکندی ولایتلری نینگ طالبان والی لری، بو ولایت لرنینگ امنیه قوماندانلری، قول اردو قوماندانلری، استخبارات رئیسلری و طالبان نینگ حربی محکمه لری نینگ رئیسلری قتنشدیر.
طالبان والی دفتری نینگ خبرنامه‌سیگه اساساً، بو ییغیلیشده اوشبو گروه رهبری هبت الله آخندزاده نینگ فرمانلرینی تۉلیق عملگه آشیریش تاکیدلنگن. حاضر بۉلگن رسمی لردن امنیت نی کوچه‌یتیریش اوچون کۉپراق سعی و حرکت قیلیشلری سۄره لگن.
بو ییغیلیشده بحث ایتیلگن باشقه موضوعلر آره سیده یېر غصبینی آلдини آلیش، مخدره ماده‌لر اېکیش، قاچاقی و ساتیلیشیگه قرشی کوره ش، خلق بیلن مناسبت لرنی یخشیله ش و امنیتی و ملکی اداره لر آره سیده هم آهنگلیک نی آشیریش کبی مسئله لر ییر آلگن.
قندهار والی دفتری، بو ییغیلیشده امنیتی، اقتصادی و اجتماعی موضوعلر بۉییچه قرارلر قبول قیلینگنینی، لیکن بو قرارلرنینگ جزئیاتینی آچیقله مه‌گنینی ایتگن. ییغیلیش جریانیده، طالبان نینگ یوکسک مرتبه لی رسميلری اۉز ولایتلریگه تیگیشلی امنیتی و ملکی گزارشلرنی هم تقدیم ایتگنلر.
طالبان نینگ قندهار والیسی ملا شیرین، سۉنگیده اوشبو گروه مسئوللریدن اۉز وظیفه و مسئولیتلریگه کۉپراق اعتبار بیریشلرینی سۄره‌دی. والی لر و امنیتی رسمی لر آره سیده بونده‌ی منطقوی ییغیلیشلر آلدین هم افغانستان نینگ باشقه زون لریده اۉتکزیلگن.
منبع: Zarin TV
🌐
