طالبان حکومتی نینگ ایچکی ایشلر وزیری سراج الدین حقانی، افغانستانده اروپا اتفاقی نینگ ایشلرینی یولگه قۉیوچیسی نیکولا بلومو بیلن اوچره شیب، اۉز ارا همکارلیکنی کېنگه یتیریش حقیده سۉزلشدی.
طالبان کنترولی آستیده گی باختر خبر آژانسی، پنجشنبه کونی، ۱۶ میزانده، ایکّی تامان نینگ بو اوچره شووده اۉز ارا علاقه لرنینگ دوامی، همکارلیکنی کېنگه یتیریش و مخدره ماده لرگه قرشی کوره
ش حقیده صحبت قیلگنینی خبر بېرگن.
افغانستان نینگ خوفسیزلیک وضعیتی و طالبان بیلن اروپا اتفاقی اۉرته سیده مشترک و مثبت موضوع لر اساسیده تعاملنی کېنگه یتیریش، اوچره شوونینگ باشقه مهم موضوع لریدن اېدی. اروپا اتفاقی افغانستان گه اینگ بویوک انسانی یاردم بېرووچیلردن بیری، لېکن طالبان حکومتینی رسمیت تن آلگن اېمس.
گزارشگه کۉره، حقانی افغانستانده نیکولا بلومو نینگ ماموریتی باشله نیشینی خوش قرشیله گن و طالبان بیلن اروپا اتفاقی اۉرته سیده گی علاقه لرنی «مثبت» دېب اتگن.
بو اوچره شوو، سراج الدین حقانی نینگ نامی هلی هم بیرلشگن ملت لر و امریکا نینگ قاره رویخطیده ایکنلیگی و بو موضوع طالبان بیلن دنیا نینگ رسمی تعاملی یولیده گی اساسی توسیق لردن بیری ایکنلیگی حالده بۉلیب اۉتدی.
اوچره شوو نینگ سونگیده، ایکّی تامان طالبان و اروپا اتفاقی اۉرته سیده تعاملنی سقلش و همکارلیکنی دوام اېتتیریشگه تاکیدله دیلر.
منبع: باختر خبر آژانسی
🌐
