کابل اهالی سیدن بیرقطاری نینگ ایتیشیچه، طالبان نینگ عدلیه وزیری عبدالحکیم شرعی، بو وزیرلیک بنا سی ایچیده گی بیر غیررسمی زنداندن فایده لنیب، امید سبز شهرکی نینگ یشاوچیلرینی اوز شخصی اویلری اوچون کرایه تولش یاکه مجبوراً ترک ایتیش گه مجبورله ماقده. منبعلر جمعه کونی، ۱۷ میزان ده، ۸صبح روزنامه سی گه ایتگنلر که، بو اقدام خصوصاً بو منطقه ده گی شیعه مذهبلی کتته لرگه قرشی آلینیب باریلگن.
بو گزارش اساسیده، اوتگن بیر آی جریانیده کابل نینگ غربیده جایله شگن امید سبز شهرکی نینگ اونلب یشاوچیسی عدلیه وزیرلیگی گه چقیریلگندن سونگ، «تاش اتاق» دیب ناملنگن بیر زندانده حبس ایتیلگنلر. ایتیلیشیچه، کیم که اوز اویی نینگ هر بیر اتاقی اوچون آیینه تورت مینگ افغانی کرایه تولشدن یاکه اونی بوشه تیشدن باش تارتسه، بو جایده حبس قیلینه دی و بعضیلری هلی هم حبسده دیرلر.
بو شونده ی بیر حالده که امید سبز شهرکی بیر شخصی پروزه دیر و اونینگ یشاوچیلری قانونلی مالکیت حجت لریگه اېگه دیرلر. طالبان عدلیه وزیری نینگ شخصی اویلردن کرایه تولش بویروغی، بو گروه حاکمیتی آستیده افغانستان ده ملکیت حقی نینگ خوفسیزلیگی توغریسیده جدی خواطرلرنی اورته گه چیقارگن.
بوندن تشقری، ۸صبح روزنامه سی انیقلشیچه، طالبان عدلیه وزیری امید سبز شهرکی گه یقین سناتوریم ساحه سیده کмиده ۷۲ اوی نی اصلی اېگه لرینی مجبوراً چیقارگندن سونگ، اوز یقینلری، محافظلری و عایله اعضالریگه تاپشیرگن. بو اتهاملر مال و ملک نی غصب قیلیش و قدرت دن سوءاستفاده ایتیش نینگ بیر نمونه سینی کورسته دی.
عبدالحکیم شرعی طالبان رهبری ملا هبت الله آخوندزاده گه یقین چهره لردن بیری سنله دی. بوندن آلدین هم اونینگ تامانیدن عادی اهالی و شیعه قومی نفوذلیلرنی حقارت قیلیش، توهین ایتیش و حبس گه آلیش توغریسیده گزارشلر ترقه لگن اېدی. بو ایشلر کابل نینگ غربیده شیعه و هزاره جامعه سیگه قرشی سیستماتیک باسیم نینگ بیر قسمی دیب قبول قیلینگن.
بو قضيه لر طالبان نینگ قضایی سیستمی ده قانون حاکمیتی و عدالت توغریسیده جدی سواللرنی اورته گه تشله یدی. ملکی دعوالرنی حل قیلیش و وطنداشلرگه باسیم اوتکزیش اوچون غیررسمی زندانلردن فایده لنیش، بشر حقوقلری و عدالت نینگ ابتدایی پرنسیپلرینی آچیقچه پایمال ایتیش دیر.
منبع: ۸صبح روزنامه سی
🌐
