آکسیوس خبر سایتی امریکالیک رسمیلرگه تیه نیب خبر بېریشیچه، امریکا قۉشمه ایالتلری جمهور رئیسی دونالد ترامپ، اوکراین جمهور رئیسی ولادیمیر زلنسکی دن روسیه نینگ نفت قَیته ایشلش کارخانه لریگه قره ته هجوملرنی تۉخته تیشینی کۉتماقده. اوشبو رسانه دوشنبه کونی ایرته لب، ۱۲ اکتوبرده، بو حرکت انرژی زیربنا لریگه اۉز ارا هجوملرنی تۉخته تیش اوچون احتمالی بیر کیلیشووگه یۉل آچیشی ممکنلیگینی معلوم قیلگن.
گزارش گه کۉره، آتی فاش ایتیلیشینی ایستمه گن آق اوی نینگ بیر رسمی سی، ترامپ نینگ «انرژی آتش بسی» حقیده گی سونگگی بیاناتی عین احتمالی کیلیشووگه اشاره قیلیشینی تصدیقله گن. اوشبو کیلیشووگه، روسیه نینگ اوکراین الکتر ستانسیه لری و قۉوت تрмаقلریگه هجوملرینی تۉخته تیشی عوضیگه، اوکراین نینگ روسیه نفت قَیته ایشلش کارخانه لریگه هجوملرینی تۉخته تیشی کیریتیلگن.
کورینیشیچه، جمهور رئیس ترامپ بو قسمی آتش بس گه ایریشیش اوچون یالغیز اۉزی حرکت قیلماقده، لیکن بو سعی و حرکتلر حاضرگچه مسکو تامانیدن ایجابی جواب بیلن دوچ کیلمه گن. آکسیوس قۉшимچه قیلیشیچه، روسیه حاضرگی پیتده هېچ قنده‌ی آتش بسنی قبول قیلمه گن و اوکراین زیربنا لریگه اۉز هجوملرینی دوام ایتتیرماقده.
بو بیر حالده که، اوکراین اۉز مملکتی نینگ الکتر ستانسیه لریگه هجوملرنی هم اۉز ایچیگه آله دیگن بیر آتش بس نی جدی روشده طلب قیلماقده. سونگگی آیلرده روسیه نینگ کینگ قمره لی هجوملری اوکراین نینگ انرژی ترماغی نینگ کتته بیر قسمینی ویران قیلگن و میلیونلب کیشی نی قیش آستانه سیده برق و ایسیق لیک تأمیناتی بوییچه جدی معما لر بیلن روپه ره قیلگن.
اوکراین رسمیلری آلدینراق روسیه نینگ نفت قَیته ایشلش کارخانه لریگه هجوملری بیر مدافعه چاره سی و اوکراین نینگ انرژی زیربنا لریگه روسیه هجوملریگه جواب ایکنینی ایتگن اېدیلر. اولر بو هجوملر روسیه اوروش ماشینی نینگ اۉز تجاوزینی تمویل قیلیش توانایی سینی کمه یتیریشینی ادعا قیلماقلر.
بیراق، ترامپ حکومتی بو هجوملرنینگ نفت نینگ دنیا بازارلریده گی نرخیگه تأثیری و نزا نینگ کوچه ییب کیتیشی احتمالیدن خواطرده دیر. بو «انرژی آتش بسی» گه ایریشیش اوچون دیپلماتیک سعی و حرکتلر نینگ کېله جک کونلرده بیر نتیجه گه ایریشیشی یاکه ایریشمسلیگینی کۉریش کېره ک.
منبع: آکسیوس
🌐
