کابلده گی منبعلر طالبان نینگ سابق مذاکره هیئتی اعضاسی عمار یاسر نینگ، بو گروه نینگ رهبری هبت الله آخندزاده نی تنقید قیلگنیدن سۉنگ، افغانستاننی قطرگه ترک اېتگنینی تصدیقله‌دی. بو منبعلر یکشنبه کونی، ۱۲ میزان ده، افغانستان اینترنشنل گه، طالبان استخباراتی نینگ جناب یاسرگه کیلگوسیده بونده‌ی بیانلردن ساقلنیشی حقیده آگاهلنتیرگنینی ایتدیلر.
بو منبعلرگه کۉره، جناب یاسر اۉز عایله‌سی بیلن اوچره شیش اوچون قطرگه بارگن، لیکن عین پیتده اونینگ تنقیدی اوچون اونگه «توصیه» قیلینگنینی هم تصدیقلیدیلر. طالبان استخباراتی اونگه بو سفر توصیه بیلن چیگره لنیشینی، لیکن تکرارلنگن تقدیرده اونینگ عاقبتلری بیلن روپه‌رو بولیشینی ایتگن.
طالبان نینگ سابق رهبری ملا اختر محمد منصور نینگ کویاوی بولمیش عمار یاسر، پنجشنبه کونی، ۹ میزان ده، اکس اجتماعی ترماغیده طالبان حکومتی نینگ پاکستان نینگ افغانستان توپراغیگه قیلگن سونگگی هوا هجوملریگه قرشی سکوتینی قتّیق تنقید قیلگندی. او یازگندی: «گویا لت و کوبگه و ضربه یېییشگه عادتلندیک؛ نه حکومت نینگ سیسی چیقه‌دی، نه رعیت نینگ. بیزگه یخشی تربیت بیردینگ، ممنون رهبر.»
بو موقف طالبان اعضالری آره سیده کینگ بحث و واکنشلرگه سبب بولدی. بیر گروه اونینگ سوزلرینی رهبرلیککه اطاعت اصلیگه ضد دیب بیلسه، باشقه بیر قطار کیشیلر اونینگ اعتراضی موقفی نی حمایه له‌دیلر. پاکستان اردوسی اوتگن ایکی هفته ده افغانستان نینگ چیگره حدودلری نینگ بیر قسمیگه بیر نیچه هوا هجومینی اویوشتیرگن و متخصص لرنینگ ایتیشیچه، طالبان رهبرلیگی نینگ سکوتی بو گروه ایچیده ناراضیلیکلرگه سبب بولگن.
طالبان استخباراتیگه جواب قیلیب، جناب یاسر حاضرده بو گروه حکومتی ده هېچ قنده‌ی مسئولیتگه ایگه ایمسلیگینی و تنقیدلری فقط «اهالی بیلن درد و همدردلیک احساسی» دن کیلگنینی ایتگن. او، طالبان نینگ تانیقلی اساسچیلریدن بولمیش یاسر وردگ نینگ اوغلی دیر.
بحثلرنینگ آوج آلیشی آرتیدن، عمار یاسر یکشنبه کونی باشقه بیر پیامده اجتماعی ترماقلر فایده لنووچیلریدن وقتلرینی «قیمتسیز» موضوعلر بیلن ضایع قیلمسلیکنی و اۉز اصلی مسئولیتلریگه دیقت قره‌تیشلرینی سوره‌دی. او، فایده لنووچیلرنینگ فکرلری بیر بیرینی حقارت قیلیش اوچون یترلیچه قیمتلی ایمسلیگینی یازدی و اگر خلق اونی ملامت قلسه هم، اونیگه اهمیتی یۉقلیگینی قۉشیمچه قیلدی.
منبع: افغانستان اینترنشنال
🌐
