د پاکستان فدرالي حکومت په یوه جنجالي اقدام کې، د عمران خان د تحریک انصاف ګوند په مشرۍ د خیبر پښتونخوا ایالتي حکومت منحل کړ او په دغه ایالت کې یې بېړنی حالت یا "د والي واکمني" اعلان کړه. دا پرېکړه د دوشنبې په ورځ، د اکتوبر پر ۱۲مه، د پاکستان په تاریخ کې د څلورم پوځي حکومت له اوه ویشتمې کلیزې سره هممهاله وشوه.
د ۱۹۹۹ کال د اکتوبر پر ۱۲مه، جنرال پروېز مشرف د پوځي حکومت په اعلانولو سره د نواز شریف منتخب حکومت ړنګ کړ. اوس، منتقدین وايي چې د خیبر پښتونخوا د حکومت پر وړاندې د فدرالي حکومت اقدام په پاکستان کې د ډیموکراسۍ، د خلکو د رایو او ملکي حکومت مفکورې ننګولې دي.
د پاکستان د بشري حقونو کمیسیون، لویو سیاسي ګوندونو او نامتو څېرو له دې پرېکړې سره مخالفت ښودلی او دا یې په هېواد کې د روان سیاسي کړکېچ د زیاتوالي لامل بللی دی. دوی دا اقدام غیر ډیموکراتیک او د پاکستان پر فدرالي جوړښت برید بللی دی.
د خیبر پښتونخوا ایالتي حکومت د پاکستان د پخواني لومړي وزیر عمران خان په مشرۍ د تحریک انصاف ګوند لپاره د واک یو له وروستیو مرکزونو څخه و. فدرالي حکومت، چې د خان د مخالفو ګوندونو د ایتلاف په لاس کې دی، د دې پرېکړې د انګېزې په توګه امنیتي دلایل او د ایالتي حکومت بې کفایتي یاده کړې ده.
دا اقدام په داسې حال کې کېږي چې پاکستان له سختو اقتصادي او سیاسي بحرانونو سره مخ دی. عمران خان په ۲۰۲۲ کال کې له واکه له لرې کېدو راهیسې له لسګونو قضايي دوسیو سره مخ دی او فدرالي حکومت یې په سیاسي ځپلو تورن کړی دی.
شنونکي خبرداری ورکوي چې په خیبر پښتونخوا کې د منتخب حکومت لرې کول کولی شي په دغه ناکراره ایالت کې، چې له افغانستان سره ګډه پوله لري، لا زیاتې بې ثباتۍ ته لمن ووهي او د عمران خان د پلویانو او مرکزي دولت ترمنځ ټکر زیات کړي.
سرچینه: رسنیز راپورونه
🌐
