افغان معلول صنعتکار و ایش بیلرمن خاتین ربابه محمدی، کاناداده «مکس گالا» بنیادی تامانیدن «۲۰۲۶ ییل نینگ صنعتکاری» دېب تانیلدی. اوشبو جایزه تورونتو شهریده اونلب صنعتکار اشتراکیده اۉتکزیلگن خاص بیر مراسمده محمدی خانمگه تاپشیریلدی.
محمدی «اوپین شاپ» برنامه‌سیده قتنه شیب تورگن «اسمایل کانادا» بنیادی، بو موفقیتنی قوتله ب، اونی ایلهام بیرووچی بیر صنعتکار و ایش بیلرمن دېب اته‌دی. بو بنیاد بیر بیاناتده ایتدی: «بیز اسمایل اوپین شاپ برنامه‌سیده افغان صنعتکار و ایش بیلرمن ربابه نینگ موفقیتینی و اونینگ استعدادی و خلاقیتی نینگ بو شایسته تقدیرلَنیشینی نشانلش نی افتخار بیله میز.»
ربابه محمدی هم اۉزی نینگ انستاگرام صحیفه‌سیده بیر پیام ترقه تیب، بو جایزه‌نی آلیشدن خرسندلیگینی بیلدیردی و یازدی: «صنعتکارلیک یوتوقلریمگه باشقه بیر یوتوق هم قۉشیلدی؛ کانادا مکس گالا نینگ ۲۰۲۶ ییل صنعتکاری جایزه‌سی مېنگه ییتیب کِیلدی.» او قۉшимچه قیلدی که، بو هیکل اونینگ اوچون فقط بیر جایزه اېمس، بلکه برچه قیینچیلیکلرمیگه قره‌مسدن، اۉز آرزولریگه ایشانیب و تلاش دن تۉخته مه‌گن کونلرینی اېسله تکیچ دیر.
گزارشلر اساسیده، محمدی بو مسابقه اوچون نامزد بۉلگن ۲۰۰ صنعتکار آره‌سیدن، خلق رای بیریشی و داورلر نینگ دقیق بهاله شی اساسیده، آلدین ۱۰ تنی ممتاز صنعتکارلر قطاریگه یۉل تاپدی. سۉنگره اوچ نهایی نامزد آره‌سیدن، او ییل صنعتکاری صفتیده سَیلندی.
۲۰۱۵ ییلده کاناداده قوریلگن «مکس گالا» بنیادی، هر ییلی اون تورلی ساحه‌ده ایلهام بیرووچی فعاللر و شخصیتلرگه جایزه‌لر تقدیم اېته‌دی. بو بنیاد شونینگدېک هر ییل کاناداده بیر ییل صنعتکاری و بیر ییل خانمی نی هم تانیشتیره‌دی.
ربابه محمدی غزنی ولایتیده توغیلگن و ایکّله قول و ایکّله آیاغی نینگ آغیر جسمانی معلولیتیگه قره‌مه‌ی، آغزی بیلن رسملیک قیله‌دی. او ۲۰۱۵ ییلدن بېری حرفه‌ای شکلده رسملیک صنعتیگه یوز کیلتیرگن و اونینگ اثرلری که کۉپینچه افغانستان خاتین قیزلری نینگ تجربه‌لری، آرزولری و قیینچیلیکلری نی عکس ایتدیریشی، خلق ارا اعتبار قازانگن.
محمدی ۲۰۲۱ ییل آگست آییده طالبان حکومتی قدرتگه قیتیب کیلگنیدن سۉنگ افغانستان نی ترک قیلدی و کیینچه‌لیک کاناداده پناهنده صفتیده حیات کیچیرماقده. او بوندن آلدین هم اۉزی نینگ استثنایی صنعتی و چارچه مس تلاشلری اوچون کۉپلب جایزه‌لر آلیشگه موفق بۉلگن اېدی.
منبع: رسانه‌لر
🌐
