چېگره سیز شفا کارلر (MSF) تشکیلاتی نینگ ایتیشیچه، بامیان ولایتی نینگ کوپلب اوزاق منطقه لریده، ترانسپورت واسطه لریگه محدود ایریشیم سببلی، اېشک بعضاً مریض لرنینگ ساغلیک خذمتلریگه ییتیب باریشی اوچون یالغوز یول حسابلنه دی.
اوشبو تشکیلات سه شنبه کونی، ۲۱ میزان ده، اوز ایکس صحیفه سیده یازیشیچه، بیر حامله آنه تورت ساعت دن آرتیق یول نی اېشک بیلن یوریشگه مجبور بولگن تا که بو تشکیلات تامانیدن حمایت قیلینه دیگن بامیان نینگ باغک دره سیده گی بیر ساغلیک مرکزیگه توغیش اوچون ییتیب بارسین.
چېگره سیز شفا کارلر قوشیمچه قیلیشیچه، بو خانم توغیشدن کیین هم اویگه قیتیش اوچون اوشبو اوزون و قیین یول نی اېشک بیلن باسیب اوتیشی کیره ک. بو وضعیت افغانستان نینگ قیшлоق و تاغلیک منطقه لریده ساغلیک قراولریگه ایریشیم نینگ چوقور قیینچیلیکلرینی کورسه ته دی.
بو تشکیلات نینگ سوزلریگه کوره، بو منطقه لرده گی کوپلب مریض لر اوچون، موتر یا باشقه ترانسپورت واسطه لریگه ایریشیم قیین یا ممکن بولمه گن بیر پیتده، اېشک کبی حیوانلر حیاتنی قوتقریش اوچون بیر حیاتی واسطه گه اَیلنه دی.
بو خبر طالبان نینگ افغانستانده قیته حاکمیت گه ایریشگنیدن کیین مملکت نینگ ساغلیک سیستمی قولب توشیشی بیلن روپه رو بولگن بیر پیتده ترقه تیلماقده. طالبان حکومتی تامانیدن خانملرنینگ باریب کیلیشیگه قوییلگن چیگره لر و مالی منبعلرنینگ جدی کمچیلگی، خانملر، اینیقسه حامله خانملرنینگ درملش خذمتلریگه ایریشیمینی آلدیندن هم کوپراق قیینلشتیرگن.
بامیان بیر تاغلیک ولایت حسابلنه دی که اونینگ کوپلب قیшлоقلری قیش فصلیده آغیر قار یاغیشی سببلی ساغلیک مرکز لریدن اوزاقده قاله دی. کینگ یایلیب کیتگن یوقسزلیک هم کوپلب عایله لرنینگ ترانسپورت خرجتلرینی توله شکه قادیر ایمس لیگینه سبب بولگن.
بو حامله آنه نینگ حکایه سی، مینگلب افغانلرنینگ اوزلرینی اینگ اساسی حقوقی، یعنی ساغلیک خذمتلریگه ایریشیم حقیگه ایگه بولیش اوچون کوره شی نینگ بیر رمزی دیر.
منبع: چېگره سیز شفا کارلر
🌐
