اروپا اتفاقی نینگ افغانستان بۉییچه مخصوص نماینده سی توماس فریلِسن، کابل سفری نینگ سۉنگیده، اوشبو اتفاق نینگ هلی هم افغانستانده گی ترورچی گروهلرنینگ فعالیتی و اولرنینگ چېگره آشه فعالیتلریدن خواطرده ایکنینی ایتدی.
کابلده گی اروپا اتفاقی دفتری پنجشنبه کونی بیر بیانیه ده، بو سفرده خوفسیزلیک، عیاللر حقلری و «افغانستان-پاکستان تیره مناسبتلری» каби موضوعلرنینگ طالبان مقام لری و منطقه نماینده لری بیلن بۉلگن صحبتلرده اهمیتلی اۉرین آلگنینی معلوم قیلدی.
جناب فریلِسن ۱۲ اکتوبردن ۱۴ اکتوبرگچه کابلگه سفر قیلیب، طالبان نینگ یوکسک مرتبه لی مقام لری، دیپلوماتلر، بیرلشگن ملت لر و اسلامی همکارلیک تشکیلاتی نماینده لری و افغانستان مدنی جامعه سی نینگ شخصیتلری بیلن اوچره شیب صحبت قیلدی.
اروپا اتفاقی بیانیه سیگه کۉره، افغانستان نینگ عمومی خوفسیزلیک وضعیتی «عموماً یخشی لنگن»، لیکن داعش خراساننی اۉز ایچیگه آلگن «منطقه وی و بالقوه جهان شمول ترورچی گروهلرنینگ دواملی حضور و چېگره آشه فعالیتلری» حقیده آگاهلنتیردی.
اروپا اتفاقی نینگ مخصوص نماینده سی، طالبان مقام لری نینگ «افغانستان توپراغی باشقه هیچ بیر مملکت نینگ خوفسیزلیگینی تهدید قیلیش اوچون ایشلتیلمه
یدی» دېگن تعهدلریگه عمل قیلیشلری کېره کلیگینی تأکیدله دی.
بو بیانات، افغانستانده فعال شبه نظامی گروهلر حقیده گی منطقه وی خواطرلر و طالبان مقام لری بیلن پاکستان اۉرته سیده گی کېسکینلیکلرنینگ آرتگن بیر پیتده بیان ایتیلماقده.
اسلام آباد کۉپ مرته تحریک طالبان پاکستان نینگ افغانستانده پناهگاهی بارلیگینی و پاکستانده هجوم اویوشتیریش اوچون افغانستان توپراغیدن فایده له نیاتگنینی ادعا قیلگن. طالبان مقام لری بو اتهاملرنی رد ایتیب، اۉز مملکتلری توپراغیدن باشقه مملکتلرگه قرشی فایده له نیشگه رخصت بېرمسلیکلرینی ایتگنلر.
منبع: Afghanistannews updates
🌐
