دموکراسی هر کیم نینگ هر بیر ایشه قول اوریشی ممکن دېگنی ایمس.
بیر دموکراتیک مملکتده، اهالی اعتراض قیلیش، حکومتنی تنقید قیلیش و حتی اونینگ استعفاسینی طلب قیلیش حقوقیگه ایگه دیر. اما هیچ کیم اهالی نینگ دکانلرینی تالش، موترلرگه اوت قوییش یا باشقه لرنینگ مال و ملکینی تخریب قیلیش حقیگه ایگه ایمس.
اگر فرانسه ده بیر عده کیши اوز آزادلیکلریدن سؤی استفاده قیلیاتگن بولسه، مشکل دموکراسی ده می یا قانون نی پایمال قیلیاتگنلرده می؟
دموکراسی بیلن دیکتاتورلیک نینگ فرقی، دموکراسی ده زوروانلیک یوقلیگیده ایمس. فرق شونده که، دموکراسی ده اهالی اعتراض حقیگه ایگه، پولیس قانونگه تابع بولیشی کیره ک و جرمگه قول اورگنلر قانون آلدیده جواب بېریشلری لازم.
بیز بیر نیچه کیشی نینگ قانونگه خلاف حرکتلری باعث میلیونلب انسان نینگ آزادلیک حقینی سوال آستیگه آلمسلگیمیز کیره ک.
آزادلیکدن سؤی استفاده نینگ ییچیمی، آزادلیکنی یوق قیلیش ایمس، بلکه قانوننی همه گه بیر خیل تطبیق ایتیش دیر.
باشقه بیر مهم نکته هم موجود: فرانسه نینگ بوتون مظاهره چیلرینی زوروانلیک و تالانچیلیککه قول اورگنلر بیلن بیر ته ن گه قویماسلیگیمیز کیره ک. کوپچیلیک اهالی تینچلیک بیلن اعتراض قیله دیلر.
سیز نینگ فکرینگیزچه، فرانسه ده گی مظاهره لرده گی زوروانلیک دموکراسی نینگ ضعفی نینگ نشانه سی می، یاکه بو حتی دموکراتیک مملکتلر هم قانوننی تطبیق ایتیش و نظم نی سقلش اوچون جدی قیینچیلیکلر بیلن روپه په رو ایکنلیکلری نینگ نشانه سی می؟
🌐
