بیرلشگن ملتلر تشکیلاتی باش کاتبی آنتونیو گوترش، دنیاده آچلیک نینگ یوقاری درجه سیده بۉلیب تورگنیدن خواطر بیلدیریب، اۉنلب ییللر دوامیده اېریشیلگن ترقیاتگه قره‌مه‌ی، خلق ارا آزیق-طعام تیزیمی هنوز جدّی معمالرگه دوچ کېله یاتگنینی اَیتدی.
جناب گوترش دوشنبه کونی، ۲۷ میزان، ایکس صحیفه‌سیده یازیشیچه
، دنیاده آچلیک درجه‌سی «هنوز قبول قیلیب بۉلمه یدیگن درجه‌ده یوقاری» بۉلیب قالماقده
. او هر بیر انسان آزیق-طعامدن فایده لنیش حقوقیگه اېگه اېکنینی تأکیدلب، مملکتلر برچه اوچون ساغلام و یېترلی آزیق-طعام بیلن تأمینلش مقصدیده عملی چاره‌لر کۉریشی کېره کلیگینی بیلدیردی.
بو بیانات افغانستانده انسان پرورلیک وضعیتی نینگ جوده خواطرلی ایکنلیگی بیر پیتده ایتیلماقده. بیرلشگن ملتلر تشکیلاتی نینگ ۲۳ میزانده ترقه تیلگن سۉنگگی حساباتیگه کۉره، افغانستانده آزیق-طعام خوفسیزلیگی اېنگ یمان وضعیتگه ییتگن و میلیونلب کیشی اۉتکیر آچلیک بیلن کوره شماقده.
بو حساباتده انیقلنیشیچه، حاضرگی کونده افغانستانده ۱۵.۹ میلیون کیشی اۉتکیر آزیق-طعام تنقیصلیگیگه دوچ کېله یاتگنینی معلوم قیلدی. بو رقم، مملکتده ثبت ایتیلگن آچلیک نینگ اینگ یوقاری سویه سینی کۉرسه ته دی و افغانستان دوچ کېلگن بشری بحران نینگ چوقورلیگینی بیان ایته دی.
طالبان حکومتی نینگ قیته قدرتگه کېلیشیدن سۉنگ اقتصادی سقوط، کېتمه-کېت قورغاقچیلیکلر، خلق ارا تحریملر و یاردم تشکیلاتی نینگ فعالیتیگه چېکلاولر کبی بیر قطار عامللر بو بحران نی کوچه یتردی.
بیرلشگن ملتلر تشکیلاتی باش کاتبی اۉز پیامیگه قۉشیمچه قیلدی: «کېلینگ، عمومی مجبوریتلریمیزنی عملی حرکتلرگه ایلنتیره یلیک همده برچه اوچون برقرار، ساغلام و عدالتلی آزیق-طعام تیزیملرینی تأمینله یلیک». بو چقیریق بیر مرته گینه خلق ارا جمعیت نینگ دقتینی افغانستان و دنیا نینگ باشقه منطقه‌لریده گی آچلیک بحرانینی حل قیلیش نینگ ضرورتیگه قره ته دی.
منبع: بیرلشگن ملتلر تشکیلاتی
🌐
