۸صبح روزنامه‌سی نینگ گزارشیگه کۉره، طالبان «فرمان و قرارلرنی نظارت قیلیش همده تعقیب اېتیش باشقرمه سی»ده ایشله‌یاتگن سابق حکومت سارنواللرینی لوازملریدن چېتله تیش جریانینی جدللشتیرگن. منبعلرنینگ ایتیشیچه، بو جریان طالبان رهبری هبت‌الله آخوندزاده نینگ آغزه کی بویروغی اساسیده عملگه آشیریلماقده و مقصد گروه جنگریلرینی سابق مسلکی خادملر اۉرنیگه تعیینلش دیر.
گزارشده دایکندی، بامیان، ننگرهار، کاپیسا، نورستان و میدان وردک ولایتلریده‌گی ۱۱ نفر سابق سارنوال هېچ قنده‌ی سبب کۉرسه تیلمسدن لوازمیدن آزاد اېتیلگنی تصدیقلاوچی بیر خط قولگه کیریتیلگنی ایتیلگن. بو تازه لش، سابق دولت خادملرینی اداره لردن چیقاریش بوییچه کینگراق بیر سیاست نینگ قسمی دیر.
منبعلرنینگ ایتیشیچه، بو قرارنینگ اساسی سببی، طالبان نینگ بعضی حاکملری و استخبارات عملدارلری نینگ هبت‌الله‌گه شکایت قیلیشی بۉلگن. اولر، بو سارنواللر گروه منصبدارلرینی فسادده عیبلب، اولرگه قرشی ایشلر تۉقیب چیقره یاتگنینی دعوا قیلگن. بیر مثال، دایکندی نینگ سابق حاکمی امین‌الله عبیدگه منسوب فساد ایشی دیر که، او میلیونلب افغانیلیک انسانپرورلیک یاردملرنی اۉزلشتیرگنلیکده عیبلنگن.
اوشبو سارنواللرنینگ ایشدن چیقاریلیشی حقیده گی شکایتلردن سۉنگ، هبت‌الله سابق حکومت نینگ برچه اداری و تخصصی خادملرینی اوشبو باشقرمه دن آزاد اېتیش حقیده آغزه کی بویروق بېرگن. خادملرنینگ ایش سابقه‌سینی تیکشیریش و اولر اۉرنیگه طالبان اعضاسینی تعیینلش اوچون بیر کمیته هم تشکیل اېتیلگن.
بو کمیته هر هفته ۴۰-۵۰ نفر سابق خادمنی ناانیق احوالده قالدیرماقده. شونینگدیک، ایشگه کیریش امتحانیدن موفقیتلی اۉتگن، لیکن سابق حکومتده ایشله‌گن شخص لرگه، هبت‌الله نینگ بویروغیگه کۉره ایشگه آلینمسلیگی ایتیلگن.
اېسله تیب اۉته میز، طالبان رهبری آلدینراق باش سارنواللیک نینگ ماهیتینی عدلی اداره‌دن نظارت ارگانیگه اۉزگرтириگن اېدی و اونینگ وظیفه‌سی فقط هبت‌الله فرمانلری نینگ بجریلیشینی نظارت قیلیش بیلن چېکلنگن. بو وضعیت، افغانستان نینگ اداری سیستمی و قانون حاکمیتی نینگ کیله جگی باره‌سیده جدی خواطرلرنی یوزه‌گه کیلترماقده.
منبع: ۸صبح
🌐
