تکنالوژی دنیاسی نینگ کتّه شرکتی مایکروسافت، خرجتلرنی کمه‌یتیریش و مصنوعی ذکاوت ساحه سیده گی سرمایه گذارلیککه کۉپراق تمرکز قیلیش مقصدی بیلن، اۉз نینگ تخمیناً ۶۰ مینگ ایشچیسیگه بازخرید و داوطلبانه کناره گیریشنی تکلیف قیلیاتگنینی اعلان قیلدی. بو رقم شرکت عمومی ایشچی کوچی نینگ تقریباً تۉرتدن بیرینی تشکیل ایته دی.
فرانسه خبر آژانسی نینگ گزارشی اساسیده، بو تکلیف امریکا قۉشمه ایالتلری، کانادا، هندوستان و بریتانیاده گی معین تیم لرده ایشلاوچی، رئیس اورینباسری و اوندن تۉبن سویه ده گی ایشچیلر اوچون قوللنیله دی. لیکن، دیتا مرکز لری و ساتیش بۉلیمی نینگ بعضی ایشچیلری کبی بعضی گروه لر بو ریجه دن مستثنا قیلینگن.
مایکروسافت نینگ اجرایی اورینباسری و انسان منبعلری بۉйиچه باش مدیری، ایمی کولمن، ایشچیلرگه یۉلله گن یادداشتی ده، بو ریجه «کۉپراق ایگیلچانلیک ایجاد قیله دی» و ایشچیلرگه «اۉз حرفه ای حیاتلری نینگ کېینگی فصلینی شکللنتیریش» فرصتینی بېره دی دېب یازگن.
بو، جاری میلادی ییلده مایکروسافت نینگ بونده ی بیر ریجه نی ایکّینچی مرته اجرا قیلیشی دیر. اپریل آییده هم بو شرکت امریکا ده گی ایشچی کوچی نینگ تخمیناً یېتّی فایزیگه وقتیدن آلدین تقاعد گه چیقیش فرصتینی تکلیف قیلگن اېدی. سی‌ان بی‌سی ترماغی نینگ گزارشیگه کۉره، شرایط گه اېگه ایشچیلرنینگ تخمیناً ۳۰ فایزی اوشه تکلیفنی قبول قیلگن.
مایکروسافت جون آیی نینگ آخریده دنیا بۉیلب ۲۲۳ مینگ ایشچیگه اېگه اېدی. بو رقم، ۲۰۲۵- ییل نینگ آخریده گی ۲۲۸ مینگ کیشیلیک ایشچی کوچیگه نسبتًا کمَییشنی کۉرسه ته دی. بو شرکت، باشقه تکنالوژی کتّه شرکتلری کبی، دیتا مرکز لری و ایلغار مصنوعی ذکاوت چیپلریگه یوزلرچه میلیارد دالر سرمایه یتقیزگن.
بو کتّه خرجتلر، سرمایه گذارلرنینگ اوشبو سرمایه گذارلیکلرنینگ قییتیمی و اقتصادی توجیهی حقیده سواللرینی اورته گه تشلشگه سبب بۉلگن. مایکروسافت نینگ شو هفته نینگ آخریده اۉз اوچ آی لیک درآمدی گزارشینی نشر قیلیشی کوتیلماقده، که بو شرکت نینگ مالی وضعیتی حقیده آیدینراق تصویر تقدیم ایتیشی ممکن.
منبع: فرانسه خبر آژانسی
🌐
