سونگگی آمریکا قۉشینلری چهارشنبه کونی، ۸ میزانده، عراقده گی اۉز پایگاه لرینی ترک اېتیب، بو مملکتده گی ۲۳ ییللیک حربی حضورینی یکونله دی. بو چیقیش، خوفسیزلیک بۉشلیغی نینگ یوز آلیشی، ایران حمایه سیده گی شیعه جنگریلری نفوذی نینگ آртиشی و داعش نینگ قیته کوچلنیشی اوچون فرصت یره تیلیشی باره سیده گی خواطرلرنی کوچه یتیرگن.
بو اقدام، ۲۰۲۴ نچی ییلده جو بایدن نینگ جمهور رئیسلیک دوریده قولگه کیریتیلگن و حاضرگی پیتده ایران بیلن اوروش آلیب باره یاتگن دونالد ترامپ دولتی تامانیدن عملگه آشیریلماقده. قۉشینلر نینگ چیقیشی، تهران و اونینگ عراقده گی اتفاقچیلری تامانیدن بویوک بیر «غَلَبَه» دېب بهالنمه قده.
آمریکا قوشمه ایالتلری نینگ عراقده گی حربی حضوری ۲۰۰۳ نچی ییلده صدام حسین نی آغدریش اوچون آمریکا باشچیلیگیده گی ائتلاف هجومی بیلن باشلنگن اېدی. بو ییگیرمه ییلدن آرتیق مدت دوامیده، عراقده ۴۵۰۰ دن آرتیق آمریکا عسکری هلاک بۉلدی، شو بیلن بیرگه ایران حکومتی وکالتچی گروه لر آرقه لی اۉز نفوذینی متداوم روشده کینگه‌یتیریب باردی.
رویترز نینگ گزارشیگه کۉره، تحلیلچیلر، عراق خوفسیزلیک کوچلری نینگ واشنگتندن تعلیمی و مالیوی حمایه لر آلیشیگه قره مسدن، اۉز مملکتلری نینگ خوفسیزلیگینی تۉلیق تأمینله ی آلمسلیکیدن قۉرقماقده لر. آمریکا کوچلری نینگ چیقیشی بیلن، بو مسئولیت تۉلیغیچه فساد و فرقه ای اختلافلر کبی کۉپلب قیینچیلیکلرگه دوچ کېله یاتگن عراق کوچلری نینگ اېلکه سیگه توشه دی.
عراق لیک تحلیلچی و خوفسیزلیک کوچلری نینگ مصلحتچیسی جاسم البهادلی آگاهلنتیردی: «اۉتگن ییگیرمه ییلدن آلگن درسیمیز شوکه، خوفسیزلیک بۉشلیغلری جوده خطرلی بۉلیشی ممکن». داعش کبی گروه لرنینگ بو وضعیتدن فایده له نیب اۉز تشکیلاتینی قیته قوریشی و ینги هجوملرنی باشلشی ممکنلیگی خواطری موجود.
عین پیتده، آمریکا نینگ چیقیشی ایران حمایه سیده گی شیعه جنگریلریگه عراق نینگ سیاسی و حربی صحنه سیده کۉپراق قدرت بېریشی ممکن. بو گروه لر که عراق نینگ رسمی خوفسیزلیک کوچلری نینگ بیر قسمی هم دیر، اوزاق مدتدن بېری چیت اېل کوچلری نینگ تۉلیق چیقیشینی طلب قیلیب کېلگن ایدیلر و حاضر اۉز موقعیتلرینی مستحکملنگن دېب بیله دیلر.
بو اۉزگریش منطقه ده آمریکا و ایران اۉرته سیده گی کیскиنلیکلر یوقاری بۉلگن بیر پیتده یوز بېرماقده. عراق دن قۉشینلرنی چیقریش، هر ایککی تامان نینگ استراتژیک محاسبه لرینی اۉزگرتیریشی و اۉرته شرقده گی قدرت توازنیگه تأثیر قیلیشی ممکن.
منبع: رویترز
🌐
