فرانسه ملی اسامبله‌سی باشلیغی یائل برون‌پیوه، طالبان حکومتی نینگ افغان عیاللریگه قرشی یولگه قویگن سیاستینی «جنسیت آپارتایدی» دېب اتدی و اونگه قرشی کوره شیش ضرورلیگینی تأکیدله‌دی. اۉشبو فکری افغانستان نینگ کانلر و پترولیم سابق وزیری نرگس نهان بیلن اۉتکزیلگن اوچره شوودن سونگ بیلدیریلگن.
فرانسه پارلمانی باشلیغی اۉزی نینگ اکس صحیفه‌سیده یازیشیچه، افغانستانده عیاللر تیزimli روشده عمومی محیطدن چیتلتیریلیب، اساسی حقوقلریدن محروم ایتیلماقده و سوکوتگه مجبور قیلینماقده. اونینگ ایتیشیچه، بو سیستماتیک حرکت نینگ نامی جنسیت آپارتایدی دیر و بوندای وضعیت قبول قیلینمس‌دیر.
برون‌پیوه شونینگدېک، نرگس نهان بیلن جنسیت آپارتایدینی رسمیتگه تانیش و اونگه قرشی عاملی چاره‌لر کۉریش بۉییچه بحث قیلگنینی معلوم قیلدی.
نرگس نهان هم اکسده گی پَیامیده فرانسه ملی اسامبله‌سی باشلیغیدن منتدارلیک بیلدیریب، بو کبی سیاستلرنی بشریتگه قرشی جنایت صفتیده باهولش و بونی عملی چاره‌لرگه ایلنتیریش کیره کلیگینی اورغوله‌دی.
طالبان حکومتی افغانستانده قیته حاکم بۉلگنیدن بېری، عیاللر و قیزلر نینگ بیلیم آلیشی، ایشله‌شی و اجتماعی فعالیتلریگه قرشی کینگ چکلولر جوری قیلگن.
عیاللر حقوقی فعاللری بو سیاستلرنی جنسیت آپارتایدی دېب اته‌ب، خلق ارا جزایی محکمه سی هم قیزلر و عیاللرگه قرشی چکلولرنی بشریتگه قرشی جنایت ادعالری دایره‌سیده تیکشیرماقده.
منبع: اکس و رسانه‌لر
🌐
