امریکا جمهور رییسی دونالد ترامپ ملّی خوفسیزلیک مصلحتچیلری بیلن اوچره‌شگندن سۉنگ، ایرانگه قرشی حربی عملیاتنی قیته باشلش یاکه باشله‌مسلیک تۉغریسی‌ده تېز آره‌ده بیر قرارگه کېلیشینی معلوم قیلدی. آکسیوس ترقه‌تگن معلوماتگه کۉره، بو اوچره‌شووده‌گی مساله‌لر کۉزگه تشنه‌رلی اېدی.
آکسیوس گه کۉره، ترامپ کمه‌ده اوچ یۉلنی تېکشیرماقده: ینگی هجملرنی اویوشتیریش، ایران حکومتگه قرشی اقتصادی باسیملرنی دوام اېتدیریش، یا خود ایرانگه امتیاز بېریش شرطی بیلن کېلیشووگه اېریشیش. بو ترامپ نینگ سیلاولردن کېیینگی خوفسیزلیک بۉییچه بیرینچی ییغینی حسابلنه‌دی.
ترامپ آق اوی‌ده ژورنالیستلرگه شونده‌ی دېدی: «بیز حاضر قرار چیقاره‌میز. آیا ایران نینگ اتمی دستوری یۉق بۉلگنینی تأمینلش اوچون هجملرنی دوام اېتتیره‌میزمی؟ امکان بۉلسه قالگن مملکتنی یۉق قیلیشنی ایستمه‌یمن، بیراق مجبو بولیشیم ممکن. تېزده بیلیب آله‌سیزلر.»
شونینگدیک، دیپلوماتیک حرکتلر هم دوام اېتماقده. ایران تشقی ایشلر وزیری عباس عراقچی قطر، سعودیه، ترکیه، امارات، عمان و مصر بیلن تیلیفون ارقلی سۉزلشدی. قطر ایکّی کونلیک بیر تیکلش ریجه‌سی اوستیده ایشله‌ماقده، انگه کۉره، امریکا کمه‌لر محاصره‌سینی بېکار قیلیب، داراییلرنی قَیتَره‌دی و ایران پلټووچیلرنی قبول قیله‌دی.
ایکّینچی کون هرمز بوغازی آچیلیشی ریجه‌لشتیریلگن. باشقه تاماندن، ایران نینگ یوقاری خوفسیزلیک کینگشی باشلیغی محسن رضایی موسکووده ولادیمیر پوتین بیلن کۉریشدی و ایران تامانیدن امریکاگه ییتّی شرط قۉییلگنینی و اولر قبول قیلینمه‌گونچه مذاکره بۉلمسلیگینی ایتدی.
بیر امریکالیک رسمیی نینگ سۉزلریگه کۉره، سنتکام ممکین بۉلگن حربی عملیات اوچون تیارگرلیکنی یکونله‌ماقده. شو بیلن بیرگه، امریکا حربی کمه‌سی نینگ نوامبر اورته‌لریده منطقه عملیات ساحه‌سیگه کېلیشی کوتیلماقده.
منبع: آکسیوس
🌐
