افغانستان بۉییچه اورته آسیا دولتلری نینگ خاص نماینده‌لری تماس تۉپلمی نینگ ایکینچی ییغینی قزاقستان، قیرغیزستان، تاجیکستان و اۉزبېکستان هیئت‌لری قتنه‌شوویده بشکیکده اۉتکزیلدی.
اوشبو ییغین قتنه‌شووچیلری تینچلیکنی تأمینلش، اقتصادی علاقه‌لر و خوفسیزلیک خطرلریگه قرشی بیرگه‌لیکده کوره‌شیش مقصدی بېلن منطقه‌وی هماهنګلیکنی کوچه‌یتیریشگه تأکید قیلدیلر.
قزاقستان تشقی ایشلر وزیرلیگی نینگ خاص نماینده‌سی یرژان کیستافین اۉز دولتی نامیدن افغانستانده تینچلیک، خوفسیزلیک و بَرقرار رواجلنیشنی قۉللب-قوّتلش اوچون منطقه‌وی سعی-حرکتلر نینگ بیرلشووینی مهم دېب بهاله‌دی.
قزاقستان تشقی ایشلر وزیرلیگی نینگ ترقه‌تگن معلوماتیگه کۉره، اوشبو مملکت نماینده‌سی اۉز نطقیده تجارتی-اقتصادی همکارلیکلر، ترانسپورت، لوجستیک و بشردوستانه یاردم ترویجیگه اَلوهیده دقّت قره‌تگن.
شونینگدېک، اۉز ارا اقتصادی علاقه‌لرنی کینگه‌یتیریش، ترانزیت یۉللرینی مستحکملش و افغانستاننی اورته آسیا اقتصادی جریانلریگه قۉشیش اوچون قۉشمه لایحه‌لرنی بجریش اساسی بحث موضوعلریدن بولدی.
ییغین قتنه‌شووچیلری منطقه‌وی خوفسیزلیک نینگ تورلی جهت‌لرینی تیکشیریب، پوتون منطقه‌ده ثبات و بَرقرار ترقیاتنی تأمینلش مقصدیده کۉپ تامانلمه همکارلیکلرنی دوام اېتدیریشگه سادق اېکنلیکلرینی بیلدیردیلر.
منبع: قزاقستان تشقی ایشلر وزیرلیگی
🌐
