بیرلشگن ملتلر تشکیلاتی نینگ افغانستان بۉییچه باش کاتیبی نینگ اۉرینباسری برونو لمارکی، خلق‌ارا یاردملر کمه‌یشی عاقبتیده افغانستانده ۷۰۰ دن آرتیق ساغلیک مرکزی یاپیلگنینی بیلدیردی.
اوشبو ملل متفقی رسمیسی نینگ سۉزلریگه کۉره، ۲۰۲۵ و ۲۰۲۶ ییللر اورته‌سیده یاپیلگن اوشبو درمانگاهلر اساسی ساغلیکنی سقلش مرکزلری نینگ ۴۰ فایزی تشکیل اېته‌دی.
لمارکی نیویارک ده اۉتکزیلگن مطبوعات انجمنیده طالبان حکومتی نینگ عیاللر و قیزلرگه قرشی چیکلاولری اولرنینگ تعلیم و ایشگه بۉلگن حقینی چکلب، خلق‌ارا انزوانی کوچه‌یتیرگنینی معلوم قیلدی.
اونینگ اورغولشیچه، افغانستان اوچون بشردوستلیک یاردم بودجه‌سی ۲۰۲۳ ییلده‌گی ایکّی میلیارد دالردن ۲۰۲۶ ییلده ۵۷۰ میلیون دالرگه کمه‌ییب کېتگن.
شو نینگدیک او، ۲۰۲۳ ییلدن بویان ایران و پاکستاندن قَرییب ۶٫۷ میلیون افغان قَیتگنینی و بو آقیم عامه خذمتلر اوستیگه کته باسیق یوکله‌گنینی قید اېتدی.
اوچبو رسمیی بدیل ترامتلرسز کۉکنار ایکینینی تۉخته‌تیب بۉلمسلیگینی و قطعی یاردم بۉلمه‌سه فقر کوچه‌ییب منطقه‌وی ثباتگه ضربه بېریشینی بیلدیردی.
منبع: نیویارکده ملل متفقی مطبوعات کنفرانسی
🌐
