پنجشېر نینگ خلق‌اروا کینگشی طالبان حکومتی کوچلری پنجشېر ولایتی نینگ عبدالله‌خیل دره‌سیده مکتب معلمینی قولگه آلیب قیناققه تارتگنینی معلوم قیلدی. اوشبو گزارشگه کۉره، ملک مرزا شهید لیسه‌سی نینگ اوقیتووچیسی محمد حشم مسجددن اویگه قه‌یتیش پیتیده قولگه آلینگن.
محلی منبعلر هم افغانستان اینترنشنالگه تصدیقله‌شینچه، محمد حشم شام نمازی اۉقیشدن سۉنگ پنجشېرده‌گی طالبان ارکان باشلیغی تامانیدن قرارگاهگه آلیب کېتیلگن.
پنجشېر خلق‌اروا کینگشی بیر اعلامیه‌ده اوشبو معلم نینگ کیچه ساعت ۱۱ گچه مېلتین قووندوغی بیلن تنبیه‌لنگنی و قیناققه تارتیلگنینی بیلدیردی. شونینگدېک اونینگ احوالینی سۉره‌ب بارگن محلی کینگش نماینده‌سی هم کۉچتیرلیک و تارتیشوولرگه دوچار بولگن.
معلوماتلر پنجشېرده خوفسیزلیک چیکلاولری کوچه‌یتیریلیب، یۉللرده نفوستذکره‌لری تېکشیریلیاتگنینی کۉرسه‌ته‌دی.
پنجشېر خلق‌اروا کینگشی اوشبو واقعه‌نی خودسرانه قولگه آلیش و بشر حقوقلری نینگ ایاق‌آستی قیلیش دیب باهلَب، خلق‌اروا تشکیلاتلردن تېکشیریشنی طلب قیلگن.
طالبان حکومتی بو حقده حاضرچه رسمیی توشینتیریش بېرمه‌گن.
منبع: افغانستان اینترنشنال
🌐
