واشینگتن‌پست روزنامه‌سی بیر امریکالیک منبعگه سینیب خبر بېریشیچه، امریکا حکومتی چین دن ایران بیلن اوروشنی اداغیگه یېتکزیش اوچون تاثیر اۉتکزیشنی سۉره‌گن.
اوشبو گزارشگه کۉره، امریکا خزانه وزیرلیگی نینگ وزیری اسکات بسنت جمهور رئیس دونالد ترامپ حمایتی بیلن، بیجینگ دن ایران بیلن بۉلگن ملقاتلریدن اوروشنی یکونلش یۉلیده فایده‌لنیشنی طلب قیلگن.
اوشبو منبع نینگ ایتیشیچه، چین حکومتی هم واشینگتن تامانیدن یۉللنگن بو پیغامنی تهران رسمی‌لریگه یېتکزگن دیر.
واشینگتن‌پست نینگ معلوماتیگه کۉره، امریکا جمهور رئیسی نینگ اۉرینباسری جی‌دی ونس ایران توغریسیده ترامپ اداره‌سی نینگ دیپلوماتیک حرکتلریگه یېتکچیلیک قیلیش مسئولیتی نی اۉز بوینیگه آلگن.
ونس اۉتگن آی اوشبو حرکتلر دایره‌سیده ایران نینگ بلند مرتبه‌لی خوفسیزلیک رسمیسی محسن رضایی نامیگه مصلحتچیلیک روحیه‌سیده بۉلگن بیر مکتوب یۉلله‌گن اېدی.
عینی حالده، آق اوی بیلن تهران اۉرته‌سیده واکېللیک قیله‌یاتگن قطر رسمیسی علی الثوادی نینگ بلدیریشیچه، ایران ییتکچیلری امریکا نینگ اۉرته مدّتلی سیلاولری واشینگتن یانده‌شوویگه قنده‌ی تاثیر قیلیشینی کوتماقده‌لر.
الثوادی نینگ قۉشیمچه قیلیشیچه، ایران رسمی‌لری ونس مکتوبینی احترام بیلگیسی سفتیده قبول قیلیب، اونینگ اوروش خطاکارلیک بۉلگن دېگن سۉزلریگه ایجابی باققنلر، لېکن امریکانی ایشانچلی اېکنلیگیگه ایشانچ حاصیل قیلیشنی ایسته‌یدیلر.
منبع: واشینگتن‌پست
🌐
