پاکستان نینگ الفلاح بانکی افغانستانده‌گی اۉز بانکچیلیک فعالیتلرینی تۉخته‌تگنینی همده کابل و هراتده‌گی بۉلیملرینی غضنفر بانکگه تاپشیرگنینی بیلدیردی.
اوشبو بانک نینگ معلوماتیگه کۉره، کابل و هرات ولایتلریدگی بارچه بۉلیملر اۉز خذمتلرینی دوام اېتتیریش مقصدیده غضنفر بانک نینگ تصرفیگه اۉتکزیله‌دی.
بانک بو اۉتکزیش ایشلری افغانستان مرکزی بانکی نینگ رسمی کېلیشوو اساسیده عملگه آشیریلیب، عقرب آیی نینگ ۱۴-کونیدن باشلب باغلنگنینی معلوم قیلگن.
بوندن آلدین الفلاح بانکی اۉز خریدارلریدن ۲ نوامبرگه‌چه حسابلرینی غضنفر بانکگه اۉتکزیش یا پوللرینی چیقریب آلیش بۉییچه قراره قبول قیلیشلرینی سۉره‌گن اېدی.
اوشبو خبرنامه‌گه کۉره، اۉز وختیگه دستور بیرمه‌گن خریدارلر نینگ حسابلری غضنفر بانکگه اۉتکزیله‌دی و پوللری قیته تلب قیلینگونچه سقلنه‌دی.
پاکستان نینگ اوشبو معتبر بانکی ۲۰۰۵-میلادی ییلدن بویان افغانستانده ایشلب، کابل و هرات شهریده بانک خذمتلرینی اېتکزیب بېرماقده اېدی.
الفلاح بانکی پاکستان نینگ اېنگ ییریک مالیوی موسسه‌لریدن بیری سنه‌لیب، افغانستاندن تشقری منطقه‌ده‌گی باشقه بیر قطار مملکتلرده هم فعالیتیگه اېگه.
منبع: الفلاح بانکی
🌐
