پاکستان تشقی ایشلر وزیرلیگی نینگ سۉزلاوچیسی سجاد حیدر خان، اسلام‌آباد امریکا قۉشمه ایالتلری نینگ افغان پناهنده‌لرینی پاکستان آرقه‌لی چیقاریش و انتقال بېریش تکلیفی نینگ همه‌جهتینی تېکشیرماقده اېکنینی معلوم قیلدی.
بو بیانات، امریکا فدرال محکمه‌سی بیر قنچه افغان پناهنده‌لرنی چیقاریش ریجه‌سینی عارضی تۉخته‌تگنیدن کېین بېریلدی. دونالد ترمپ حکومتی ۱۵۰ دن آرتیق افغان پناهنده‌سینی امریکادن چیقاریشنی مقصد قیلگن و امریکا مدیاسی گه کۉره، بو کیشیلر دستلب پاکستانگه، سۉنگ افغانستانگه یوباریلیشی کۉزده توتیلگن.
پاکستان تشقی ایشلر وزیرلیگی نینگ سۉزلاوچیسی اۉز هفتالیک خبری ییغینیده بو مساله‌نی تېگیشلی تامانلر بیلن مصلحتله‌شگن حالده کۉریب چیقیشلرینی و همه‌گه مقبول یۉل تاپیشگه امید قیلیشلرینی بیلدیردی.
شونینگدېک، پاکستان سۉزلاوچیسی پاکستان عملیاتلری عاقبتیده ملکی کیشیلر اۉلدیریلیشی حقیده طالبان حکومتی نینگ ادعالرینی رد اېتدی و بو ادعالر طالبان بۉینیده‌گی مسوولیتنی بېکار قیلمسلیکنی تأکیدله‌دی.
اوشبو پاکستانلیک رسمی ادعا قیلیشیچه، افغانستان توپراغیدن اویوشتیریلگن هجملرده ۳ مینگ ۵۰۰ دن آرتیق آدَم هلاک بۉلگن و شولردن ۱ مینگ ۴۰۰ دن کۉپراغی فقط ۲۰۲۶ ییلده جان بېرگن.
او قۉشیمچه قیلدی، اسلام‌آباد خلق‌ارا جامعه‌دن بو تهدیدلرگه قرشی همکارلیک قیلیشنی ایسته‌یدی و پاکستان تشقی ایشلر وزیری بریتانیا خوفسیزلیک وزیری دن جارویس بیلن هم بو حقده فکر المشگن.
منبع: پاکستان تشقی ایشلر وزیرلیگی
🌐
