افغانستان مرکزی بانکی نینگ سابق مصلحتچیسی و طلوع‌نیوز سابق باشناتووچیسی یما سیاووش قتل ایشی بوییچه وکیلی، اوشبو دوسیه خلق‌ارا جزایی محکمه دادستانی و بیرلشگن ملت‌لر تشکیلاتی میکانیزملری تمانیدن کوریب چیقیلماقده‌لیگینی معلوم قیلدی.
یما سیاووش کابل شهریده یوز بېرگن پاتلش عاقبتیده جان بېرگنیدن آلتی ییل اوتگن بولسه-ده، اونینگ اصلی قاتیلی کیملیگی انیقلنمه‌گن و عدالت هم تطبیق اېتیلمه‌گن.
آمو تلویزیونی معلوماتیگه کوره، سیاووش عایله‌سی اونینگ مرکزی بانک سابق باشلیغی اجمل احمدی قیستاووی بیلن ایشگه آلینیشی، موتر نینگ جی‌پی‌اس معلوماتی و خوفسیزلیک کمره تصویرلری باره‌سیده سوراقلر بیلدیرگن اېدی، اما بو سوراقلر جوابسیز قالدی.
سابق حکومت ۱۴۰۰-ییل نینگ حمل آییده ۱۱ نفر نی پاتلشلر و سیاووش قتلی عیبلاوی بیلن قولگه آلگنینی ایتگن اېدی، لیکن بو شخصلر نینگ عاقبتی و قضایی تېکشیریش نتیجه‌لری معلوم بولمه‌دی.
انسان حقوقلری کوزه‌تووچیسی ۲۰۲۲-ییل نینگ نوامبر آییده سابق حکومت جامع تېکشیریش اوتکزمگنینی، حادثه دلیلی سقلنمه‌گنینی و هیچ کیم جزالانمه‌گنینی قید اېتدی.
محمدداوود سیاووش، اوشبو دوسیه‌نی سُرشتیریب کېلگن یما نینگ آته‌سی، ۲۰۲۳-ییل نینگ سپتامبر آییده آلمانده وفات اېتدی. ژورنالیستلر لاهه محکمه‌سیگه ثبوتلر تاپشیریلیشینی ایسته‌ماقده‌لر.
منبع: آمو تلویزیونی
🌐
