افغانستان پارلمانی نینگ سابق اعضاسی سید مصطفی کاظمی نینگ عائله‌سی بغلان ده یوز بېرگن قانلی پارتلش ییللیگی مناسبتی بیلن، عادلانه تیکشیرو اۉتکزیلیشی و عامللر انیقلنیشینی طلب قیلدی. اوشبو حادثه ۱۳۸۶-ییل عقرب آیی نینگ ۱۵-گونیده یوز بېریب، کاظمی بیلن بیرگه بیش نفر پارلمان اعضاسی و اۉنلب تینچ اهالی جان بیرگن اېدی.
مصطفی کاظمی نینگ اۉغلی جمال کاظمی آمو تلویزیونیگه بېرگن مصاحبه‌سیده خوفسیزلیک تدبیرلری حقیده جدّی سئواللر اۉرتَه‌گه تشله‌گن. او شونینگدېک هیئت نینگ خوفسیزلیگی نېگه تۉلیق تأمینلنمه‌گنلیگی، منطقه‌وی خوفسیزلیک مسؤلی نېگه کابلگه چقیریلگنی و نېگه انیق تیکشیرو اۉتکزیلمه‌گنینی سۉره‌دی.
بېریلگن احصائیه‌لر اساسیده، اوشبو رویداد نینگ تلفاتی جوده آغیر بۉلگن. امریکا تشقی ایشلر وزیرلیگی ۲۰۰۷-ییلده قوربانلر سانینی کمیده ۶۴ کیشی دیب بیلدیردی. بیرلشگن ملتلر تشکیلاتی هم ۲۰۰۸-ییلگی حسابه تیده ۵۲ باله اوقووچی و ۵ معلم بیلن بیرگه ۷۰ کیشی نینگ اولدیریلگنینی معلوم قیلدی، بیراق بعضی محلی منبعلر تلفاتنی ۸۰ دن آرتیق ایتگنلر.
افغانستان نینگ قطار سیاسی شخصیتلری کاظمی نینگ فعالیتی و اخلاقینی مقصدلی یاده آلدیلر. مارشال عبدالرشید دوستم کاظمی نینگ توشونچه‌سی و سیاسی اخلاقینی مقته‌گن. شونینگدېک ملی مقاومت جبهه‌سی رهبری احمد مسعود، کاظمی نی خلققه خدمت قیلووچی و مدبر سیاستچی صفتیده بهاله‌دی.
مصطفی کاظمی ۱۳۴۲-ییل پروان ولایتیده توغیلگن و جهادی جریاندن باشلب فعالیت کۉرساتگن. او ۲۰۰۱-ییل طالبان حکومتی نینگ بیرینچی دوری قوله‌گندن سونگ بن ییغینیده قتنه‌شدی، سوداگرلیک وزیری بۉلدی و کېینچه‌لیک پارلمانده ملی اقتصاد کمیسیونی باشلیغی اېدی.
اوشبو قانلی هجومدن کۉپ ییل اۉتگن بۉلسه-ده، هلیگچه هیچ بیر گروه برید مسؤلیتینی اۉز بوینیگه آلمه‌گن و قضیه انیق بیر نتیجه‌سیز قالماقده.
منبع: آمو تلویزیونی
🌐
