میدان وردک ولایت نینگ نرخ تومنی یشاووچیلری اوشبو تومنده ساغلیقنی سقلش خذمتلری، دارولر ییتشمسلیگی و کلینیک اوچون معیاری بنالر یۉقلیگیدن شکایت بیلدیردیلر.
آمو تلویزیونی نینگ معلوماتیگه کۉره، نرخ تومنی نینگ تیتمور قیشلاغی آقسقالی اوشبو قیشلاقده بیر مینگ بېش یوز دن آرتیق عایله یشه‌شینی، بیراق بیرته هم خاص کلینیک بناسی یۉقلیگینی معلوم قیلدی.
تیتمور قیشلاغی نینگ ملکی عبدالله خان آمو تلویزیونیگه ایتگن: «کلینیک اوچون اوی نی کرایه گه آلگنمیز، بیزگه خاص بنا قوریلیشی و امکانیتلر بیریلیشی کېره‌ک».
شونینگدېک، نرخ تومنی نینگ اندر حدودیده یشاووچی اهالی هم کلینیکده دارو، برق و حتی ایچیملی سوو یۉقلیگیدن نالیگن. اوشبو تومن یشاووچیسی حضرت عمر نینگ ایتیشیچه، کلینیککه سوو هم یشاووچیلر نینگ اویلریدن تشیله‌دی.
یشاووچیلر که‌مبغل‌لیک و موتر کرایه‌سی بولمه‌گنی باعث، نادان مریضلرینی اوزاق ییرلرده‌گی شفاخانه‌لرگه باره آلمسلیگینی بیلدیرگنلر.
میدان وردک اهالیسی نینگ قۉشیمچه قیلیشیچه، کابل-قندهار و کابل-بامیان یۉللریده قاتناو کوپلیگی سببلی ترافیکی حادثه‌لر کوپ یوز بیره‌دی، بیراق قریب اللی ییل آلدین قوریلگن ولایت شفاخانه‌سی اهالی نیازلری و مجروحلرگه ییتمه‌یدی.
منبع: آمو تلویزیونی
🌐
