امریکا کانگرسی‌نینگ بیر قنچه نماینده‌سی تشقی ایشلر و ایچکی خوفسیزلیک وزیرلیکلریدن قطرنینگ السیلیه کمپی‌ده‌گی افغان عایله‌لر وضعیتی و اولرنی کۉچیریش برنامه‌سی حقیده انیق معلومات بېریشنی سۉره‌دی.
افغانستان اینترنشنال ترقه‌تگن خبرگه کۉره، بو رسمیی مکتوب یاسمین انصاری و دان بیکن تشبثی بیلن، ایککی حزبدن ۲۰ دن آرتیق نماینده تامانیدن مارکو روبیو همده مارک‌وین مولینگه یوباریلگن.
امریکالیک قانون چیقرووچیلر کابل سقوطیدن کېین بو کیشیلر نینگ وقتینچه کمپده توریشی وعده قیلینگنینی، بیراق اولر نینگ بیر نېچه ییلدن بېری سرگردان قالگنینی بلدرگنلر.
مکتوبده عایله‌لر اوچون صحی خذمتلر، حامله‌دار خاتین-قیزلرگه یاردم بېریش، باله‌لر اوچون مکتب و اینگلیز تیلی اۉقیش امکانیتی یره‌تیلیشی تاکیدلنگن.
نماینده‌لر شونینگدېک پی‌یک و پی‌دو مهاجرت دوسیه‌لری نینگ حالاتی و اولر باشقه بیر مملکتگه کۉچیریلگن تقدیرده حقوقلری قنده‌ی قوریقلنیشی حقیده جواب طلب قیلگنلر.
کمپدن آلینگن معلوماتلر اساسیده، ۱۰۰ دن آرتیق افغان باله السیلیه کمپی‌ده دنیاگه کێلگن و میندن آرتیق سابق همکارلر، اینیقسه خاتین-قیزلر آغیر وضعیتده یشه‌ماقده.
کانگرس تشقی ایشلر و ایچکی خوفسیزلیک وزیرلیکلریگه ۶ قوس تاریخینی اولر نینگ وضعیتی بۉییچه معلومات بېریش اوچون سۉنگگی مدت قیلیب بلگیلگن.
منبع: افغانستان اینترنشنال
🌐
