طالبان حکومتی نینگ تشقی ایشلر وزیری امیرخان متقی سه‌شنبه کونی کابلده روسیه فدراسیونی جمهور باشلیغی نینگ افغانستان بۉییچه مخصوص نماینده‌سی ضمیر کابلوف بیلن اوچره‌شدی.
طالبان حکومتی نینگ تشقی ایشلر وزیرلیگی نینگ بیلدیروشیچه، تامانلر ایکی تامانلمه علاقه‌لرنی رواجلنتیریش، سودا-ساتیق، حلیگی اۉزگریشلر و مخدر موادلرگه قرشی کوره‌ش بۉییچه فکری الماسشگنلر.
امیرخان متقی اوشبو اوچره‌شووده اقتصادی علاقه‌لرنی کوچه‌یتیریش کېره‌ک‌لیگیگه اشاره قیلیب، ایکی مملکت اۉز ارا سودا ایمکانیتلریدن فایده‌لنیشی لازملیگینی ایتدی. او شونینگدېک مخدر موادلر ایکیش، ایشلب چیقاریش و قاچاق قیلیشگه قرشی اورینیشلر حقیده هم اورغو بېردی.
طالبان بیاناتیده یازیلیشیچه، ضمیر کابلوف مخدر موادلرگه قرشی آلینگن تدبیرلرنی القبلب، بعضی خلق ارا تشکیلادلر نینگ حسابلری افغانستانده‌گی انیق حقیقتلرنی عکس اېتتیرمه‌یدی دیب معلوم قیلدی.
بو ادعالر شونده‌ی بیر وقتده بیان اېتیلماقده‌که بیرلشگن ملتلر تشکیلاتی نینگ مخدر موادلر و جنایتگه قرشی اداره‌سی افغانستانده تریاک تولیدی بېش برابر آشگنینی، یعنی ۲۰۲۵ ییلده‌گی ۳۰۰ تندن ۲۰۲۶ ییلده قریب ۱۵۰۰ تن‌گه یېتگنینی معلوم قیلگن اېدی.
ضمیر کابلوف بوندن آلدین ثور آییده هم کابلگه باریب یوقاری مرتبه‌لی رسمیلر بیلن اوچره‌شگن اېدی. مسکو سۉنگگی ییللر دوامیده کابل بیلن تورلی ساحه‌لر بۉییچه دیپلوماتیک همکارلیکلرنی دوام اېتدیریب کۉرماقده.
منبع: طالبان حکومتی نینگ تشقی ایشلر وزیرلیگی
🌐
