افغانستان نینگ سابق جمهور باشلیغی حامد کرزی، تینچلیک و راوجله‌نیش اوچون علم خلق‌ارا کونی مناسبتی بیلن قیزلر اوچون مکتبلر و بیلیم یورتلری نینگ اېشیکلرینی تېزراق آچیشنی طلب قیلدی.
کرزی سه‌شنبه کونی، ۱۹ عقربده، اکس اجتماعی ترماغیده‌گی پیامیده افغانستان هم هر بیر انسان جامعه‌سی کبی علم و بیلیمگه نیازمند اېکنینی معلوم قیلدی.
سابق جمهور باشلیغی نینگ تأکیدله‌شیچه، مملکت یالغوز برچه یشاوچیلرگه تعلیم زمینه‌سینی یره‌تیب بېریش آرقه‌لی قیینچیلیکلردن چیقیب، باشقه اۉلکلرگه باغلانیب قالیشدن قوتولیشی ممکن.
او قیزلر اوچون بیلیم درگاهلری نینگ یاپیق قالیشی توغریسیده صحبت قیلیب، یاشلری علم آلیب مملکتنی راوجلنتیرېش اوچون مکتبلر و بیلیم یورتلری آچیلیشی کیره‌ک دېدی.
حامد کرزی طالبان حکومتی دوریگه کیلیب کابلده قالگن و قیزلر نینگ تعلیم حقی اوچون آچیق اعلان قیلیب کېله‌یاتگن کم سانلی سیاستچیلردن بیری سنله‌دی.
حاضرگی وقتده طالبان حکومتی آرقه‌لی آلینگان قرارلر سببی، آلتینچی صنفدن یوقاری قیزلر مکتب و بیلیم یورتلریگه باریش حقوقیدن محروم قالگن.
منبع: حامد کرزی نینگ اکس صحیفه‌سی
🌐
