طالبان حکومتی نظارتی آستیده‌گی یېتکازمه‌لر، بو حکومت نینگ اطراف-محیطنی قۉریقلش باشقرمه‌سی هیأتی بیرله‌شگن ملتلر تشکیلاتی نینگ ۳۱-اقلیم ییغینی (کوپ ۳۱)ده قتنه‌شمه‌سلیگینی خبر بېردی.
حریت رادیوسی چهارشنبه کونی ۱۹ عقربده اطراف-محیط اداره‌سی رسمیلری سۉزلریگه تیه‌نیب یازیشیچه، بیرله‌شگن ملتلر تشکیلاتی طالبان حکومتی هیأتی اوچون رسمی تکلیف‌نامه یوبارمه‌گن و شو سببلی هیأت مذکور ییغینده قتنه‌شمه‌یدی.
اوشبو نشراتگه کۉره، ۳۱-اقلیم ییغینیگه مېزبنلیک قیله‌یاتگن تورکیه دولتی طالبان نینگ اوشبو ییغینگه مهمان صفتیده قتنه‌شیشینی سۉره‌گن اېدی.
بیرله‌شگن ملتلر تشکیلاتی نینگ ۳۱-اقلیم ییغینی دنیا نینگ تورلی مملکتلری و خلق‌ارا تشکیلاتلر وکیللری اشتراکیده تورکیه‌نینگ آنتالیا شهریده باشلنگن و میلادی نینگ ۲۰-کونیگچه دوام اېته‌دی.
طالبان نماینده‌لری بیرینچی مرته ۲۰۲۴-میلادی ییلده آذربایجان پایتختیده اۉتکزیلگن ۲۹-اقلیم ییغینیده مهمان و کوزه‌تووچی صفتیده اشتراک اېتگن اېدی، بیراق برازیلده‌گی ۲۰۲۵-ییل ییغینیگه چقیریلمه‌گن اېدی.
افغانستان اقلیم اۉزگریشلری تأثیریدن دونیاده اینگ کۉپ زیان کۉرگن مملکتلردن بیری دیر، بیراق حکومت لری رسمیتگه تانیمسلیگی طفیلی خلق‌ارا ییغینلرده طالبان حکومتی نماینده‌لری اشتراک اېتیشیدن محروم بۉلیب باقماقده‌لر.
منبع: حریت رادیوسی
🌐
