بریتانیاده‌گی چتم‌هاوس شاهی انستیتوتی اۉزی نینگ ۲۰۲۶ ییلگی مکافاتینی جنسیتی باستیریشلرگه قرشی کۉرستگن جسارتی اوچون افغانستان خاتین‌قیزلریگه تاپشیردی.
اوشبو مکافات بریتانیا نینگ سابقه باش‌وزیری و چتم‌هاوس باشلیغی تریزا می تامانیدن لندن‌ده بۉلیب اۉتگن ییغین‌ده افغانستان فوتبال ملّی ترامه‌سی نینگ سابقه دروازنه‌بانی الهه صفدریگه تاپشیریلدی. بو مراسم‌ده بیر قطار افغان فعال خاتینلر هم قاتنشدی.
چتم‌هاوس اعلام قیلیشیچه، اوشبو جایزه افغان عیاللری نینگ دواملی باسیملر قرشیسیده‌گی صبر-توقتی و قیزلر نینگ کېله‌جگی بیلن حقوقلرینی مدافعه قیلیشده‌گی متانتلی رقابتی اوچون بېریلگن.
طالبان حکومتی قَیته حاکمیتگه اېریشگنیدن بېری، افغانستانده خاتین‌قیزلر مکتب، بیلیم‌یورت، ایش و کوپلب اجتماعی امکانیتلردن محروم قیلینگنلر.
چتم‌هاوس معلوماتیگه کۉره، چکلولرگه قره‌مسدن، افغان خاتینلری مملکت ایچی و تشقریسیده اعترادلر اویوشتیرگنلر، یشیرین تعلیم مرکزلرینی آچیق سقله‌گنلر و اینیقسه حقوق بۇزیلیشلرینی ثبت قیلگنلر.
مذکور نهادگه کۉره، خاتین‌قیزلر نینگ بو کۉره‌شی افغانستان موضوعسی نینگ خلق‌ارا همجمعت دیقّت مرکزیده قالیب توریشیگه سبب بۉلدی.
چتم‌هاوس مکافاتی هر ییلی خلق‌ارا مناسبتلرنی یخشیلاش و انسان حق-حقوقلری اوچون سهم قۉشگن گروهلر یا-ده شخصیتلرگه اهدا اېتیله‌دی.
منبع: چتم‌هاوس
🌐
