طالبان حکومتی نینگ تشقی ایشلر وزیرلیگی، روسیه باش وزیری نینگ اۉرینباسری الکسی اورچوک پنجشنبه کونی کابلگه رسمی سفر قیلیشینی تصدیقله‌دی.
طالبان نظارتی آستیده‌گی ملی رادیو و تلویزیون معلوماتیگه کۉره، بو سفر نینگ اساسی مقصدی ایکّی تامانلمه اقتصادی مناسبتلرنی کوچه‌یتیریش دن عبارت دیر.
طالبان تشقی ایشلر وزیرلیگی سۉزلاوچیسی نینگ اۉرینباسری حافظ احمدضیا تکل، بو سفر اقتصادی همکارلیکلرنی کېنگه‌یتیریش اوچون عملگه آشیریلیشینی بیلدیردی.
بوندن آلدین، روسیه جمهور باشلیغی نینگ افغانستان بۉییچه مخصوص نماینده‌سی ضمیر کابلوف کابلده طالبان تشقی ایشلر وزیری امیرخان متقی بیلن اوچره‌شگن اېدی.
اۉشه اوچره‌شووده ایکّی تامان صادر بولگن سودا مناسبتلری، مخدره مادّه‌لرگه قرشی کوره‌ش و منطقه‌وی اۉزگریشلر تۉغریسیده همفکرلیک قیلگنلر.
روسیه سووڭگی ییللرده طالبان حکومتی بیلن دیپلوماتیک مناسبتلر اۉرنه‌تیب، اقتصادی و بشردوستانه همکارلیکلرنی رواجله‌نتیریشنی تأکیدلب کېلماقده.
منبع: طالبان تشقی ایشلر وزیرلیگی و ملی رادیو تلویزیون
🌐
