کولکتیف خوفسیزلیک شارتنامه‌سی تشکیلاتی باش کاتبی، افغانستان بیلن باغلنگن چېگره‌لر آشه تهدیدلرگه قرشی کوره‌شیش و تاجیکستان چېگره‌سینی مستحکملش مذکور تشکیلات نینگ اساسی اولویتی اېکنینی معلوم قیلدی.
مسکو ده بۉلیب اۉتگن ییغیندا چیقیش قیلگن طلعت‌بیک مسادیکوف، افغانستانده‌گی اوزاق مُدتلی بارقرارلیک نینگ اورته آسیا خوفسیزلیگی و تره‌ققیاتی بیلن چمبرچس باغلنگنینی اورغوله‌دی.
او طالبان حکومتی بیلن تشکیلات نینگ بعضی اعضالری اۉرته‌سیده‌گی ایکّی تامانلمه علاقه‌لر فعاللشگنینی و افغانستان خلقیگه قیلینه‌یاتگن یاردملر اقتصادی اوسیشگه سبب بۉلیشینی قید اېتدی.
تشکیلات باش کاتبی، تشکیلات کاتبیتی اوشبو سعی-حرکتلرنی «افغانستان ایشچی گروهی» چوکاتیده هم‌آهنگ قیلیشنی دوام اېتدیره‌یاتگنینی ایتدی.
شو بیلن بیرگه، مسادیکوف چېگره‌لر آشه خطرلرگه قرشی بیرگه‌لیکده توریش کلیدی وظیفه بۉلیب قالیشینی و تاجیکستان-افغانستان چېگره‌سینی کوچه‌یتیریش بنیادی مقصدلردن بیری اېکنینی بیلدیردی.
اونینگ اېتیشیچه، بارچه متفق مملکتلر مذکور دولتلر ارا چېگره پروگرامی نینگ عملگه آشیریلیشی اوچون فعال ایش باشله‌گنلر.
منبع: مسکوده کولکتیف خوفسیزلیک شارتنامه‌سی تشکیلاتی ییغینی
🌐
