کولکتیف خوفسیزلیک شرطنامه‌سی تشکیلاتی مسکووده تشقی ایشلر، مدافعه وزیرلری و خوفسیزلیک کینگشی کاتبلری نینگ قۉشمه ییغینیده، منطقه‌ده ترورچیلیک فعالیتی، قاچاق و مناقشه‌لر خطری آرتگنیدن آگاهلنتیردی. روسیه تشقی ایشلر وزیرلیگی نینگ بیلدیروشیچه، اوشبو ییغین سه‌شنبه کونی ۱۹ عقربده سرگی لاوروف باشچیلیگیده بۉلیب اۉتدی.
ییغین اشتراکچیلری خوفسیزلیک وضعیتینی بهالب، سایبر جرم‌لر، ناقانونی مهاجرت و ترورچیلیک خطرلرینی کنترول قیلیش چاره‌لرینی کۉریب چیقدیلر. اوندن تشقری، قۉشمه مدافعه قابلیتینی یوقاری کۉتریش و ینگی خوفسیزلیک معمالریگه قرشی توریش ضرورلیگی تاکیدلندی.
یاد بۉلگن ییغین یولچیلری قۉشمه حربی کوچلرنی رواجلنتیریش، هوا مدافعه سیستملری و بیولوژیک خوفسیزلیکنی تامینلش بۉییچه حجت‌لرنی اساسی تصویق اوچون تیارله‌دیلر. شونینگدېک، کیینگی ییغین کیلگوسی ییل نینگ بیرینچی یریمی ده تاجیکستان میزبانلیگیده اۉتکزیلیشی بیلدیریلدی.
تاجیکستان تشکیلاتی نینگ اعضاسی صفتیده افغانستان بیلن ۱٬۳۰۰ کیلومتردن آرتیق چیگره‌گه اېگه بۉلیب، کۉپینچه قیسمی پنج دریاسی بۉیلب تاغلی منطقه‌لردن عبارت دیر. اوشبو تشکیلات رسمی‌لری افغانستان شمالیده‌گی افراطی گروهلر، اینیقسه داعش خراسان ترماغی، اورته آسیا خوفسیزلیگی اوچون اساسی خوف توغدیریشی حقیده بارلرچه آگاهلنتیرگن.
عضو اولکه‌لر افغانستان توپراغیدن ترورچیلیک یاییلیشی، مخدره ماده‌لر قاچاقی و خطرلردن خواطر بیلدیریب، چیگره‌لرنی محکم قیلیشنی اساسی استقامت صفتیده بیلگیله‌گنلر. روسیه، بیلاروس، ارمنستان، قزاقستان، قرغیزستان و تاجیکستان اوشبو تشکیلاتی نینگ رسمی اعضالریدیر.
شونینگدېک، مذکور تشکیلات تاجیکستان و افغانستان چیگره‌سینی کوچه‌یتیریش اوچون بېش ییللیک خلق‌ارا برنامه‌نی عملگه آشیرماقده. بو رېجه‌گه کۉره، روسیه، قزاقستان، بیلاروس و قرغیزستان جامی ییل آخریگچه تاجیکستانگه قورال-یراغ، حربی تجهیزات و تکنالوژیک امکاناتلر بیره‌دیلر.
منبع: روسیه تشقی ایشلر وزیرلیگی
🌐
