طالبانگه تېگیشلی رسانه‌لر، طالبان حکومتی نینگ اطراف-محیطنی سقلش اداره‌سی نینگ هیئتی تورکیه‌ده بۉلیب اۉته‌یاتگن بیرلشگن ملتلر تشکیلاتی نینگ اقلیم اۉزگریشی بۉییچه ۳۱-یریمیگه یا-ده کاپ ۳۱ ییغینیگه قاتنشمسیلیگینی بیلدیردی. اداره مسئوللری نینگ ایتیشیچه، ملتلر تشکیلاتی نینگ اقلیم کنوانسیونی اولرگه تکیف‌نامه یوبارمه‌گن.
طالبانگه قره‌شلی حریت رادیوسی نینگ معلوماتیگه کۉره، میزبان اولکه تورکیه طالباننی مهمان صفتیده دعوت قیلگن اېدی، اما ملتلر تشکیلاتی نینگ رسمی بلنلیک صادر قیلماغی سه‌بب طالبان نینگ اوشبو انجمنده قتنه‌شیشی ممکن بۉلمه‌دی.
کاپ ۳۱ خلق‌ارا ییغینی ۱۸ عقرب کونی تورکیه نینگ آنتالیا شهریده باشلنگن بۉلیب، ۲۹ عقربگچه دوام اېته‌دی. طالبان حکومتی نماینده‌لری بوندن آلدین فقط بیر مرته، ۲۰۲۴-ییلده آذربایجان نینگ باکو شهریده‌گی کاپ ۲۹ ییغینیده مهمان بۉلیب قاتنشگن اېدی.
طالبان اۉتگن ییلی هم برازیلده اۉتکزیلگن کاپ ۳۰ ییغینیگه چقیریلمه‌گن اېدی و بو ییل هم خلق‌ارا اقلیم ییغینیده قتنه‌شیشدن چیقاریلدی.
افغانستان اقلیم اۉزگریشیدن اېنگ کۉپ زیان کۉرگن جهان نینگ ۶ اولکه‌سیدن بیری حسابلنه‌دی، چونکه بو اولکه نینگ ییر شاری ایسیب کېتیشیده‌گی تاثیری جوده کم بۉلسه هم، اونینگ کۉپینچه ضررلری افغانستان اهالیسیگه ییتگن.
اقتصاد نینگ دیقانچیلیککه باغلنگی، کیینگی ییللرده‌گی قوروقچیلیکلر، سوو تاشقینلری و اقلیم مهاجرتی، افغانستانده‌گی بشری و اقتصادی قیینچیلیکلریگه ینه قۉشیمچه بۉلماقده.
منبع: حریت رادیوسی
🌐
