ایران نینگ سپاه پاسداران حربی تشکیلاتی، بحرین ده جایلشگن امریکا حربی باگاهی نینگ رادارینی نشانگه آلیب، یېر تشله‌گنینی معلوم قیلدی.
سپاه پاسداران نینگ معلومات خدمتی جومه کونی ۲۲ عقرب اعلامیه ترقه‌تیب، اوشبو عملیات امریکا نینگ ایران جنوبیده‌گی سیریک جزیره‌سیگه قیلگن هجومیگه جواب قیته‌ریش مقصدی‌ده عملگه آشیریلگنینی ایتدی.
بوندن آلدین، ایران رسانه‌لری امریکانینگ سیریک جزیره‌سیگه قیلگن هوا هجومی عاقبتیده پارتلشلر یوز بیرگنینی خبر بېرگن اېدی. سپاه پاسداران سونگره بو هجومده بیر مخابرات دکلی نشانگه آلینگنینی تصدیق له‌دی.
سپاه پاسداران بیاناتیده شونده‌ی قید اېتیلگن: «سپاه هوافضا کوچلری دشمن نینگ سیریکده‌گی مخابرات منارسیگه قیلگن هجومیگه بیر عکس‌العمل صفتیده، بحرین جزیره‌سیده‌گی امریکا باسقینچیلری نینگ راداریگه ضربه بېریب، اونی یوق قیلدی.»
ساواشنی توخته‌تیش بۉییچه سیاسی حرکتلرگه قره‌مسدن، ایران و امریکا حربی کوچلری اۉرته‌سیده هرمز بۉغازی اطرافی‌ده ترقاق توقنه‌شولر دوام اېتماقده.
امریکا مرکزی قوماندانلیگی (سنتکام) بوندن آلدین، ایران جنوبی حدودلری و جزیره‌لریگه بېریله‌یاتگن هجوملر هرمز بۉغازی اوستیدن ایران نظارت کوچینی بوزیش اوچون اۉتکزیله‌یاتگنینی معلوم قیلگن اېدی.
منبع: ایران سپاه پاسدارانی
🌐
