اوزبېکستان جمهور رییسی نینگ افغانستان بۉییچه مخصوص نماینده‌سی تاشکندده بلجیم ایلچیسی ماتیاس کنده بیلن اوچره‌شیب، افغانستانده‌گی وضعیت حقیده فکری المشدی.
اوزبېکستان تشقی ایشلر وزیرلیگی ترقه‌تگن بیانیه‌سیگه کۉره، اوشبو اوچره‌شووده افغانستان نینگ حاضرگی احوالی و همکارلیکلر بۉییچه مصلحتلشوو اۉتکزیلگن.
بیانیه‌ده قید ایتیلیشیچه، سۉزلشوو سازنده فضا ایچیده بۉلیب اۉتگن و ایکّی تامان نینگ ملوقاتلرنی دوام بیردېریشگه بۉلگن قیزیقیشینی کۉرساته‌دی.
بلجیم ایلچیسی اۉز نطقیده تاشکند نینگ افغانستان بۉییچه منسجم منطقه‌وی موضع شکللنتریش بۉییچه‌گی سعی و حرکیتلرینی یوقاری بهاله‌گن.
بو کۉریشوو یاوروپا مملکتلری، جومله‌دن بلجیم، افغان مهاجرلرینی اۉز یورتلریگه قیترېش رویه‌سی اوستیده ایشله‌یاتگن بیر پایده یوز بیرماقده.
بلجیم آلدین کابلگه اۉز نماینده‌سینی یوبارگن اېدی و کیینچه‌لیک بروکسلده طالبان حکومتی هیاتی بیلن ملوقات اۉتکزگن.
شونینگدیک، قرغیزستان اۉتگن کونی یاوروپا مملکتلریدن چیقاریب یوباریلماقچی بۉلگن افغان مهاجرلرینی قبول قیلیش بۉییچه تکلیف آلگنینی بیلدیرگن اېدی.
منبع: اوزبېکستان تشقی ایشلر وزیرلیگی
🌐
