امریکا نینگ مخصوص نماینده‌لری ستیو ویتکاف و جرد کوشنر ایرلند پایتختی دوبلین‌ده اوکراین پرېزیدنتی ولودیمیر زلنسکی بیلن اوچره‌شدیلر. ترقه‌تیلگن حساباتلرگه کۉره، مذکور ایکّی امریکالیک نماینده زلنسکیگه روسیه پرېزیدنتی ولادیمیر پوتین بیلن بۉلگن مۆزاکره‌لر نتیجه‌لرینی ییتکزگنلر.
اوشبو اوچره‌شوو ولادیمیر پوتین نینگ اوکراین اوروشینی تۉخته‌تیش اوچون یر بۉییچه طلب‌لریدن یان بېریشنی رد ایتگنیدن سۉنگ یوز بېردی. روسیه پرېزیدنتی شونینگدېک اوکراین توپراغیده تشقی تینچلیک سقلاووچی کوچلر جایلشتیریلیشیگه قطعی قرشیلیک بیلدیرگن.
پوتین، روسیه و اوکراین اۉرته‌سیده‌گی رسمی چېگره اجره‌تووچی چزیق بۉلیشی کېره‌کلیگینی اورغوله گن و تشقی کوچلر نینگ جایلشتیریلیشی اوروش نینگ دوام اېتیشینی اَنگله‌ته‌دی دېب معلوم قیلدی.
شونده‌ی بیر حالده، اوکراین پرېزیدنتی ولودیمیر زلنسکی ۲۰۲۷ میلادی ییل باشلنیشیدن آلدین اوروشنی تۉخته‌تیش بۉییچه کیلیشوو اوچون مناسب فُرصت بارلیگینی بیلدیردی.
باشقه تاماندن، دوبلین‌ده‌گی اروپا رهبرلری اروپا خوفسیزلیگیگه تیگیشلی هر قنده‌ی قرارلر اۉز اختیاری و بو قطعه اولکه‌لری نینگ تۉلیق اشتراکی بیلن قبول قیلینیشی کېره‌ک دېب تأکیدله دیلر.
منبع: مدیا راپورلری
🌐
