پاکستان تشقی ایشلر وزیری و باش وزیر اۉرینباسری اسحاق دار دوشنبه کونی افغانستان طالبان حکومتیدن قۉشنی مملکتلر نینگ خوفسیزلیک، اینیقسه ترورچیلیک بۉییچه خواطرلرینی حل قیلیشنی سۉره دی.

خبرلرگه کۉره، اسحاق دار بو سۉزلرنی اسلام‌آباد ده بۉلیب اۉتگن اقتصادی همکارلیک تشکیلاتی (ایکو) وزیرلر کینگشی نینگ ۳۰-ییغینیده بیان ایتدی، قیسی کیم طالبان نماینده لری اونگه چقیریلمه گن اېدی.

پاکستان تشقی ایشلر وزیری اۉز مملکتی نینگ تینچ و ترققی اېتگن افغانستان نی خاهله شینی بیلدیردی. اونینگ ایتیشیچه، منطقه ده تره‌قیات افغانستان اداره‌چیلری قۉشنی مملکتلر خوفسیزلیک خواطرلرینی، اینیقسه ترورچیلیک خوفینی حل اېتیشیگه باغلنگن.

او شونینگدېک منطقه آرا باغلنیش و ترانزیت اوچون ایشانچلی موحیط ضرور اېکنینی، افغانستان ده گی تینچلیک بوتون منطقه ساووده سیگه فایده لری بارلیگینی اورغوله‌دی.

افغانستان ایکو تشکیلاتی نینگ ۱۰ عضودن بیری بۉلسه هم، پاکستان طالبان نماینده لرینی بو ییغینگه چقیرمه دی.

طالبان حکومتی نینگ تشقی ایشلر وزیرلیگی رسمی‌سی ذاکر جلالی بو قرارنی تنقید قیلیب، افغانستان نینگ استراتژیک موقعیتینی ایسله تدی. طالبان اقتصادیات وزیری اۉرینباسری عبداللطیف نظری هم سیاسی کیلیشماوچیلیکلر اقتصادی ییغینلرگه تۉسیق بۉلمسلیگی کیره ک اېکنینی ایتدی.

طالبان حکومتی و اسلام‌آباد اۉرته سیده خوفسیزلیک سببلری بیلن مناسبتلر ترنگلشگن. پاکستان تامانی تحریک طالبان پاکستان (تی‌تی‌پی) افغان توپراغیدن فایده لنه دی دېب دعوا قیله دی، بیراق طالبان حکومتی بو ادعالرنی رد اېتگن.

منبع: Afghanistannews updates

🌐

Author