افغانی سره میاشت باشلیغی شیخ شهاب‌الدین دلاور کابلده یوناما اۉرینباسری و بیرلشگن ملت‌لر تشکیلاتی نینگ بشری یاردم‌لر هم‌آهنگلاشتیروۆچیسی برونو لمارکی بیلن کۉریشدی و بشری همده ساغلیقنی سقلش همکارلیکلرینی کېنگه‌یتیریش بۉییچه سۉزلشدی.

افغانی سره میاشت معلوماتیگه کۉره، بو اوچره‌شوۆده شهاب‌الدین دلاور نیازمند و زیان کۉرگن عایله‌لر، قه‌یتیب کۉچگن مهاجرلر و یوره‌ک تېشیگی کسللیگیگه چلینگن باله‌لرگه قیلینگن یاردم‌لر حقیده معلومات بېردی و کۉپراق همکارلیک بۉلیشینی سۉره‌دی.

سره میاشت باشلیغی قه‌یتا اېسلاتیب اۉتدی که محتاج اهالی احوالینی یاخشیلش اوچون خلق‌ارا یاردم بیروۆچی تشکیلات‌لرنینگ دواملی همکارلیکلری ضرور دیر.

شونینگدېک، یوناما اۉرینباسری افغانی سره میاشت نینگ بشری و صحی فعالیّتلرینی مقته‌دی و همکارلیکلرنی مستحکملش مقصدیده دایمی هم‌آهنگلیک بۉلیشینی تأکیدله‌دی.

برونو لمارکی شونی قید اېتدی که بیرلشگن ملت‌لر تشکیلاتی نینگ بشری و ساغلیقنی سقلش اداره‌لری و سره میاشت اۉرته‌سیده هم‌آهنگلیکنی کۉچه‌یتیریش اوچون بیر قۉشمه ییغین اۉتکزیله‌دی.

بو اوچره‌شوۆ افغانستان بۉیلب کمبغل عایله‌لر و مملکتگه قه‌یته‌یاتگن قاچقینلر نینگ بشری و دوالنیش احتیاجلری یوماق بۉلیب تورگن بیر وقتده عملگه آشماقده.

منبع: افغانی سره میاشت

🌐

Author