طالبان حکومتی نینگ باش وزیری نینگ اداری اۉرینباسری عبدالسلام حنفی، بو حکومت کوچلری زامانوی قوراللر بیلن قوراللنگنینی و اوچووچیسیز اوچاقلر یعنی درون اېشلب چیقاریش بۉلیشیده کۉپلب یېتوقلرگه اېریشگنینی بیلدیردی.
او کابل بیلیم یورتیده طالبان رهبری نینگ بویریقلری اثریگه باغیفلنگن ییغیلیشیده سۉزلر اېکن، درونلر بۉییچه کتّـه اۉزگریشلر بۉلگنینی معلوم قیلدی.
طالبان حکومتی باش وزیری نینگ اداری اۉرینباسری اۉز سۉزلریده، اگر قندهی دیر دشمن افغانستان توپراغیگه یمان کۉز بیلن قرهسه، بو مملکت کوچلری اولرنی اۉشه یېرنینگ اۉزیده باستیره آلیشینی تأکیدلهدی.
بو بیانات، روان ییل پاکستان تامانیدن افغانستانگه اویوشتیریلگن هجوملردن سۉنگ، طالبان تامانیدن اوشبو مملکت تامان بیر نېچه یالغیز درونلر اوچیریلگن بیر پیتده بېریلماقده.
بیراق پاکستان حربی رسمیلری، مذکور درونلر اولرنینگ هَوا حدودلریگه کیریشی بیلن تانیلیب، تۉلیق یۉق قیلینگنینی معلوم قیلگن اېدیلر.
طالبان بیر نېچه کون آلدین هم بیر رسمیی مراسیمده خارجی دیپلوماتلر، جملهدن ایران ایلچیسی و عرب مملکتلری نینگ نمایندهلری اشتراکیده اوشبو درونلرنی کۉرگزمهگه قۉیگن اېدی.
منبع: کابل بیلیم یورتیدهگی نطق
🌐