افغانستان نینگ سابق جمهور رییسی حامد کرزی خلقارا بالهلر کونی مناسبتی بیلن قیزلر تعلیمی بولمهگن حالده مملکت نینگ رواجلنیشی ممکن اېمسلیگینی ایتدی.
کرزی طالبان حکومتی کیریتگن محدودیتلرگه اشاره قیلیب، مکتبلر ایشیگی قیزی-اوغلی بارچه بالهلر یو لیگه هیچ قندهی شرطسیز آچیلیشی کیرهک دیب اورغولهدی.
اونینگ ایتیشیچه، بالهلرنینگ ساغلیغی، خوفسیزلیگی همده علم آلیش حقوقی قولگه کیریتیلمهگونچه، مملکتده ترقّیات و ابادانچیلیک یوز بیرمهیدی.
سابق جمهور رییس حاضرگی کونده تۉرت میلیونگه یقین افغان بالهسی نینگ آغیر توشکنلیک و ییترسیز اوقلیققه دوچ کیلگنی همده باشلنغیچ مکتب یاشیدهگیلرنینگ کۉپی درسیز قالگنینی بیلدیردی.
او قشاقلیک، یاردمسیزلیک و ساودسیزلیکنی بالهلر کیلجگی و افغانستان تینچلیگی اوچون اینگ کته خوف-خطرلردن بیری دیب حسابلهدی.
یونسکو و یونیسف کبی خلقارا تشکیلاتلر اۉز حساباتلریده، افغانستان قیزلر اوچون آلتیینچی صنفدن یوقاری مکتبلر یاپیلگن یگانه اولکه اېکنینی معلوم قیلگن.
منبع: حامد کرزی نینگ اجتماعی ترماقلری
🌐