د افغانستان هنري ټولنه د خپل یو ستر شخصیت، استاد امان الله حیدرزاد په مړینه ویرجنه ده. نوموړی چې د هیواد د معاصرې مجسمه جوړونې پلار ګڼل کیده، د کابل پوهنتون د ښکلو هنرونو د څانګې بنسټ ایښودونکی و او کلونه یې د هیواد کلتور ته خدمت وکړ.
استاد حیدرزاد خپلې لوړې زده کړې په ایټالیا او امریکا کې بشپړې کړې وې او د ختیځ او لویدیځ د هنرونو په یوځای کولو سره یې ځانګړی سبک رامنځته کړی و. د هغه آثار د برتانیې په موزیم او د ملګرو ملتونو په سازمان کې نندارې ته وړاندې شوي دي.
دغه نامتو هنرمند په خپل ژوند کې ګڼې جایزې ګټلې وې، چې پکې د ۱۹۶۴ کال د نړیوال نندارتون د سرو زرو مډال هم شامل دی. د استاد حیدرزاد نوم به د افغانستان د هنر په تاریخ کې تل ژوندی او روښانه پاتې وي.
د افغانستان د معاصرې مجسمه جوړونې پلار استاد حیدرزاد وفات شو
Cloudflare