شایعات وايي چې د بالیوود مشهوره ستورې آیشواریا رای بچن به په نوي “مګا ۱۵۸” فلم کې د جنوبي هند سینما له سوپرسټار چرنجیوي سره یوځای ولوبېږي. ویل کېږي د دې فلم ډایرکټر، بابي، توانېدلی د آیشواریا مثبت نظر ترلاسه کړي ترڅو بالاخره په یو بشپړ تلوګو فلم کې راښکاره شي.
خو د کیسې تر ټولو جالیه برخه، د آیشواریا غوښتل شوي پیسې دي. راپورونه وايي هغې له ۲۰ کروړه روپیو ډېر مبلغ غوښتی دی. سربېره پر دې، هغې شرط ایښی چې په حیدرآباد کې د فلم جوړولو پر مهال باید د هغې او د هغې د ټیم ټول هوټل او لګښتونه د پروډیوسر لخوا ورکړل شي.
که پروډیوسران له دې شرطونو سره موافقه وکړي، دا به په تلوګو سینما کې د آیشواریا لومړنی اصلي رول وي. چرنجیوي چې پدې وروستیو کې یې له خپلو فلمونو سره لوی بریالیتوبونه ترلاسه کړي، ټاکل شوې په دې فلم کې د یو ګانګسټر رول ولوبوي او د آیشواریا شتون کولی شي د دې اثر جذابیت دوه چنده کړي.
