د کریسټیانو رونالدو اته کلنه لور، آلانا مارټینا، په یوه نوې ویډیو کې په عربي ژبه خبرې کړي چې په انټرنیټ کې یې ډیر مینه وال پیدا کړي دي. په دې ویډیو کې چې په ریاض کې ثبت شوې، هغه په ډیر ډاډ سره د “شکران” (مننه) کلمه او نورې لنډې عربي جملې کاروي، چې د هغې د ژبې زده کړې مهارت ښیي .
وروسته له هغه چې د رونالدو کورنۍ په ۲۰۲۳ کال کې سعودي عربستان ته کډه شوه، داسې بریښي چې ماشومان یې له سیمه ییز کلتور سره ښه بلد شوي دي. مخکې هم د هغه د ماشومانو ویډیوګانې خپرې شوې وې چې عربي سندرې یې ویلې او یا یې “السلام علیکم” ویل، چې خلکو ډیر خوښ کړي وو .
کریسټیانو رونالدو چې اوس د النصر په کلب کې لوبیږي، په سعودي عربستان کې د خپل ژوند په اړه خوښي څرګنده کړې ده. هغه ویلي چې کورنۍ یې هلته ډیره خوشحاله ده. د رونالدو د کورنۍ دا کلتوري نږدېوالی د سیمې له خلکو سره د هغه اړیکې نورې هم پیاوړې کړې دي .
د کریسټیانو رونالدو لور په عربي ژبه خبرې کوي او د خلکو زړونه یې ګټلي
