د طالبانو ویاند ذبیح الله مجاهد په یو نوي غږیز پیغام کې ټینګار کړی چې هېڅ ډلې ته، د پاکستاني طالبانو د تحریک (TTP) په ګډون، اجازه نه ورکول کیږي چې د افغانستان خاوره د نورو هېوادونو پر ضد وکاروي. هغه وویل چې دا موضوع ټولو ډلو ته په “قاطع” توګه ابلاغ شوې ده .
مجاهد د اسلام اباد ادعاوې رد کړې او د ټي ټي پي شتون یې د پاکستان کورنۍ ستونزه وبلله. هغه پوښتنه وکړه چې دا ډله څنګه کولای شي له پولې واوړي په داسې حال کې چې حتی یو ناروغ ته د تېرېدو اجازه نه ورکول کیږي؟ هغه د پاکستان سرحدي ځواکونه او استخبارات د پولې په کنټرول کې په ناتوانۍ تورن کړل .
دا څرګندونې په ننګرهار او پکتیکا کې د پاکستان له وروستیو بمباریو وروسته کیږي چې طالبانو پکې پاکستان پر ملکي خلکو په برید تورن کړی. د طالبانو دفاع وزارت خبرداری ورکړی چې د پاکستان پرله پسې تېریو ته به “په مناسب وخت” کې حساب شوی ځواب ورکړي .
مجاهد: اجازه نه ورکوو چې د افغانستان خاوره د نورو پر ضد وکارول شي
