د جرمني په بن ښار کې د افغانستان د قونسلګرۍ دیپلوماتانو اعلان کړی چې د افغانانو لپاره یې د پاسپورټونو د وېش لړۍ بېرته پیل کړې ده.
د دوی په وینا، دا مهال شاوخوا څلور زره پاسپورټونه د چاپ په حال کې دي او ډېر ژر به هېوادوالو ته د وېش لپاره په بشپړ ډول چمتو شي.
له دې وړاندې په اروپا او امریکا کې مېشتو افغانانو د قونسلي خدماتو له ځنډېدو شکایت کاوه او اوس د ټولو خدمتونو د بېرته پیل غوښتنه کوي.
په جرمني کې د افغانستان قونسلګرۍ د پاسپورټونو وېش پیل کړ.
