امیرخان متقي، د طالبانو حکومت بهرنیو چارو وزیر، له هیواد بهر د خپلو ډیپلوماټانو او قونسلانو سره په مجازي ناسته کې له هغوی وغوښتل چې د افغانستان د اوسني وضعیت په اړه د طالبانو حکومت موقف نړۍ ته ورسوي. هغه د کابل پر وروستیو هوایی بریدونو سخته غندنه وکړه.
متقي دا بریدونه د بشري اصولو څرګنده سرغړونه وبلله. د پاکستان جنګي الوتکو د دوشنبې شپې د کابل بیلابیلې برخې بمباري کړې او طالبانو ادعا وکړه چې د روږدیدونکو یو درملنیز مرکز هم په نښه شوی.
د طالبانو حکومت ادعا کوي چې لږ تر لږه ۴۰۰ کسان ووژل شول او ۲۵۰ ټپیان شول، خو دا شمیرې په خپلواک ډول نه دي تایید شوې. پاکستان د روغتون په نښه کول رد کړي او ادعا یې کړې چې د مهماتو زیرمو په نښه کړي دي.
#افغانستان #طالبان #امیرخان\_متقي #پاکستان #کابل
