د پاکستان پوځ اعلان کړی چې په خیبر پښتونخوا کې په دوو جلا نښتو کې د تحریک طالبان پاکستان دیارلس غړي وژل شوي دي. دا عملیات د وسله والو ډلو پر وړاندې د دې هېواد د روانو پوځي هڅو یوه برخه ده.
دا نښتې په خیبر او بنو ولسوالیو کې رامنځته شوې، چې په ترڅ کې یې په ترتیب سره د دې ډلې لس او درې جنګیالي ووژل شول. خو د پاکستان پوځ د خپلو سرتېرو د احتمالي مرګ ژوبلې په اړه څه نه دي ویلي.
پاکستاني چارواکي ټي ټي پي یوه د هند تر ملاتړ لاندې ډله بولي او پر وړاندې یې پراخ پوځي عملیات پیل کړي دي. تر اوسه دې ډلې د دغو پېښو په تړاو کوم غبرګون نه دی ښودلی.
#پاکستان #ټي\_ټي\_پي #خیبر\_پښتونخوا #امنیت
🌐
